A empresa adxudicataria da Piscina Municipal non cumpre coa ordenanza reguladora deste servizo.

Na sesión Plenaria do pasado venres día 22 de setembro dende o noso grupo denunciabamos unha vez máis que a empresa adxudicataria do servizo de Piscina Municipal e Ximnasio non estaba a cumprir con o establecido na Ordenanza Fiscal Reguladora da taxa pola prestación deste servizo no que ás tarifas se refire.

Dicimos unha vez máis, porque esta situación xa fora denunciada polos Grupos da Oposición hai xa dous anos sen que dende o Goberno Local se tomase ningunha medida ao respecto, é máis, naquel momento negaron que isto estivese a suceder.

Hai uns días puidemos comprobar persoalmente a certeza das queixas quen os achegaran os usuarios do servizo. Para poñernos en situación compre reproducir o contido da ordenanza municipal regulador a no que ás taxas se refire:

“Artigo 5. Cota tributaria:
1.1.- Cota de entrada (existente para todo tipo de abonados) 36,58 euros.
1.2.- Abonado individual con servizo deportivo. 24,39 euros/mes.
1.3.- Abonado individual sen piscina (servizo deportivo) 11,59 euros/mes.”

Pois ben, a día de hoxe calquera veciño que se achegue á Piscina Municipal solicitando o “abono individual sen piscina” atoparase con que no boletín de tarifas da empresa concesionaria non aparece este servizo, só a cota de entrada (matrícula.- 36,97 euros) e o abono individual con servizo deportivo (24,66 euros), non contemplando, como dixemos o punto 1.3 da ordenanza reguladora.

Preguntado o Goberno Local sobre esta cuestión, en primeiro lugar negan que isto estea a suceder, para unha vez informados de que fixemos a comprobación persoalmente, xustificar a ausencia deste servizo por razóns de seguridade, a Concelleira de Deportes, e o Sr. Alcalde o abono sen piscina ten un horario concreto, durante o cal “o aforo do ximnasio está completo e non cabe máis xente”.  Pero isto non ten ningún sentido se temos en conta que se contratamos o abono completo por un importe de 24,39 euros, é dicir Piscina e Ximnasio (en lugar de pagar ios 11,59 que pagaríamos só con o abono sen piscina), podemos utilizar o ximnasio a calquera hora sen ningún problema, polo que non se sustenta o argumento de que o aforo está completo, senón que máis ben parece que o que se pretende é eliminar o abono máis barato para aumentar os ingresos, todo isto en detrimento dos veciños de Pontedeume aos que non se lle está a prestar os servizos contemplados na Ordenanza Municipal, obrigándoos a pagar máis.

Dende o Grupo Municipal Socialista queremos deixar constancia do noso rexeitamento ante o incumprimento da Ordenanza Reguladora e denunciar ao mesmo tempo o desinterese,  pasividade e incluso permisividade do Goberno de Gabriel Torrente fronte a unha ilegalidade. Esiximos ao Partido Popular que dunha vez por todas remate con esta situación e defenda os intereses dos veciños e veciñas de Pontedeume.

Rogos para o Pleno de Setembro

Ademáis das preguntas, levamos os seguintes rogos ó Goberno municipal:

1º.- Pregamos reforcen o sistema informativo dos servizos municipais pois, por poñer dous exemplos recentes, a escasa publicidade dos cursos de formación ou nestes días o atraso na difusión das actividades deportivas da lugar a equívocos non desexados.

2º.- Rogamos planifiquen os cambios pertinentes no servizo de biblioteca para que sexa posible que os universitarios eumeses , a lo menos en época de exames, podan visitar a biblioteca municipal en horario de mañá e de tarde.

3º.-Pedimos sexa reforzado o sistema de apertura do Albergue de Peregrinos, existindo un servizo alternativo para que cando o depositario da chave do local, non estea localizable ,os viaxeiros podan ser igualmente albergados na nosa vila.

4º.- Rogamos amplíen o tempo de apertura ao público da Oficina Municipal de Información Xuvenil. Se isto non fora posible, cambien a franxa horaria de apertura da mesma, de 9 a 11h non se fomenta, precisamente, o seu uso pola mocidade.

5º- Pregamos a urxente colocación de alarmas nos centros escolares así como unha completa hixiene dos mesmos que inclúa limpeza de cristais e prevención de pragas.

6º.- Rogamos o desbroce dos camiños de Pazos-A Regueira, camiño do Muíño Vello en Andrade, camiño de Gunturiz e o camiño da Veiga.

7º.- Pregamos se toman as accións necesarias dende a Concellería de Urbanismo para investigar un recheo sobre camiño público no lugar de Valdemiñatos.

8º.- Fronte ao número 10 da Praza do Conde hai tres farolas que non funcionan dende hai tempo, ademais de estar a caixa de conexións descolgada e con buratos por onde entra a agua, non garantindo a estanquidade da mesma. Pregamos o seu arranxo.

9º.- Pregamos que dende o Concello se tomen as medidas necesarias para impedir o estacionamento de vehículos no interior do patio do Pontumio a fin de evitar sucesos como os acontecidos hai unhas semanas cando un automóbil derrubou parte do muro de dito solar municipal.

10º.- Hai uns días varios operarios municipais procederon á limpeza da estatua de “San Nicolás” que se atopa nas escaleiras que comunican a Rúa Real con o adro da Igrexa causando danos no rostro de dita escultura. Pregamos que no sucesivo se tomen mediadas para evitar que se dane gravemente o noso patrimonio, procurando que este tipo de traballos os realicen operarios especializados na limpeza de obras escultóricas.

11º.- Dada a cercanía da Romaría de Breamo rogamos a limpeza do camiño que comunica a nosa vila con este espazo, así coma o campo e as inmediacións da igresia.

Preguntas que levamos ao Pleno Ordinario de Setembro

1ª.- Pódennos informar como se atopan as xestións para a construción do Mercado Provisional?

2ª.- Pasou outro verán e seguimos sen contar con a “prometida” ordenanza reguladora da ocupación de espazos públicos, concretamente no que se refire á instalación das terrazas. Cando pensan elaborar dito documento?

3ª.- En que punto se atopa o PXOM?, cando comezarán a estudar as alegacións presentadas polos veciños e veciñas?

4ª.- Que medidas teñen pensado adoptar para facer cumprir a Lei en canto ao deber de manter as condicións de seguridade, salubridade e ornato público no solar da Praza de España?

5ª.- Cando se realizará o Inventario de Bens Municipais ?

6ª.-Teñen pensado adoptar algunha medida para acabar có caos existente na oficina de urbanismo?

7ª.- Cal é a razón pola que os abonos da Piscina Municipal non se axustan ao establecido na Ordenanza Fiscal Reguladora de dito servizo?

8ª.- Poden informarnos do nº de altas concedidas e solicitudes denegadas no servizo de axuda no fogar?. Como realizarán o financiamento da atención das novas altas no Servizo de Axuda a Domicilio?

9ª.- Cal é a planificación da Concellería de Cultura para este outono?

10ª.- Cando van cumprir a Ordenanza de Normalización Lingüística é  farán en galego  recursos, escrituras públicas e, en xeral, todos os actos de  carácter Público administrativo que se realicen por escrito en nome do Concello?

11ª.-Ten a Concelleira de Cultura algún tipo de exención que lle impida o uso do galego, un dos bens principais da nosa Cultura?

12ª.- Que razón houbo para estando todo o Grupo de Goberno o día 8 as 19:00 na Gándara, non se presentara,, a lo menos, algún dos seus membros na Obra de Teatro que presentaba “Arjé” ás 21:00 na Praza do Conde dentro da programación das festas?

13ª.- Cal foi a razón pola que a representante do Concello non asistiu o Consello Escolar Extraordinario de comezo de curso di I.E.S. Breamo? Por que non foi substituída por outro Concelleiro, Concelleira ou mesmo polo Alcalde?

14ª.-Cal é a razón do retraio do C.E.M. de comezo de curso?

15ª.-Pensan propor, facilitar, xestionar os “Almorzos para Madrugadores” nos centros eumeses?

16ª.- Por que non se constitúe o Consello Municipal de Saúde de Pontedeume e dende el procurar o seguimento da mellora da saúde no Concello?

17ª.-Fíxose algunha xestión ante a Consellería de Sanidade para solucionar os problemas xurdidos no Centro de Saúde ante a falta de persoal durante este verán?

18ª.-Da calidade das augas depende grandemente a saúde dos usuarios do servizo de augas municipais: Son coñecedores do tipo de obras que se están a levar a cabo do Encoro da Capela e dos seus efectos nas augas do Eume? Que xestións fixeron neste teme?

19ª.-Aquagest reduciu o tempo de atención ao cliente na súa oficina na rúa Betanzos:Consultaron có Concello antes de facer esta drástica redución? Están de acordo? Pensan esixirlles a volta ao horario acostumado?

20ª.- Teñen algún dato da orixe da praga de pulgas que permitan a mellora na limpeza e impidan que este desagradable suceso se repita no futuro?

21ª.- En que informe en concreto se basearon para non recoller as algas de Ber? Que proxecto teñen para mellorar os servizos desta praia?

22ª.- Pensan levar proximamente algún cambio par conseguir dar un novo pulo ao Feirón?

23ª.- Ante a pésima situación na que se atopan, cando pensan reparar os colectores soterrados?

Rubalcaba, SI.