Abandono das parroquias por parte do Goberno do PP

O Grupo Municipal Socialista no Concello de Pontedeume denuncia o estado de abandono no que se atopan os accesos ao núcleo rural de Castrelo na parroquia de Centroña.

Dende hai máis de tres o noso Grupo ven insistindo ante o Goberno Municipal na necesidade de levar a cabo obras de mellora dos accesos a “Castrelo”. Tanto en Pleno coma nas distintas Comisións de Obras nas que se trataron as actuacións a incluír con cargo ao Plan Provincial de Obras (POS) achegamos esta proposta ao Grupo de Goberno, sen que ata o de agora fose atendida polos responsables municipais.

Preguntámonos así mesmo que hai do dito polo Concelleiro deste área, Javier Crespo, quen asegurou nunha reunión mantida con todos os grupos da Corporación que a pesares de que a obra de aglomerado do camiño que discorre entre a estrada provincial CP-4803 e o mencionado

núcleo non chegaría ata o mesmo, unha vez rematados os traballos levaríase a cabo un “rebacheo” desta zona como solución temporal do problema.

Tal e como se pode comprobar na fotografía, a día de hoxe nada se fixo ao respecto. O tamaño dos numerosos “socabóns” existentes na calzada fan que transitar pola zona supoña unha dura proba para os vehículos, marxinando así a uns veciños que pagan os seus impostos como o resto dos eumeses e que non merecen uns accesos que ben poderiamos definir como “terceiromundistas”.

Por todo o exposto, esiximos ao Goberno Municipal que con a maior brevidade posible cumpra con a palabra dada e solucione de forma definitiva este problema.

POLÍTICAS DE IGUALDADE EN PONTEDEUME???

No Pleno de onte comezamos a nosa quenda de preguntas cunha batería nas que cuestionabamos aspectos que pensamos determinan a calidade de vida das mulleres en Pontedeume: A súa formación, os servizos que favorecen a súa autonomía á hora de acceder a un posto de traballo e mesmo a súa seguridade e asesoría xurídica.

Despois de tres anos aínda non temos en Pontedeume data para a realización das tantas veces demandada formación que permita acceder a poboación eumesa ás novas prazas que se están a crear baixo a denominada “Lei de Dependencia”

Non hai perspectiva de que se cree nin unha nova praza na Escola Infantil. O goberno actual non contempla a adaptación das escolas unitarias que permanecen pechadas para facer a lo menos Puntos de Atención á Infancia, ou Escolas Infantís, que palíen a gran escaseza que hai na escolarización dos máis pequenos e que permitan ás mulleres e homes da vila a conciliación da vida familiar e laboral. Non, esperan a aprobar o PXOM, mercar terreos, conquerir axudas, licitar, facer escola,… Cantos anos vai esperar Pontedeume con esta planificación educativa do P.P.? En 4 anos : Cero prazas creadas.

E ademais, en case catro anos non tiveron tempo, ou vontade política, de escoitar as necesidades, preocupacións, proxectos das mulleres, a través do órgano que as representa. Nesta lexislatura nin sequera tiveron a ben constituír o Consello Municipal da Muller. E deixouse ir outro servizo municipal, cantos van? Esta vez aféctalle directamente ás mulleres: Pontedeume deixou de ter Avogada da Muller.

A Sra. Carballeira o que si dixo e que o 8 de Marzo celebraremos o Día da Muller Traballadora: 9º premio de Relatos Curtos, Pontedeume en Feminino,… Está ben , Sra. Concelleira, pero Mulleres somos todo o ano! E todo o ano hai que traballar nas políticas de igualdade.

Dende os poderes públicos temos que quitar obstáculos para que as mulleres poidan iniciar calquera carreira profesional e emprender calquera proxecto persoal, ao tempo que viven a súa maternidade,se así o desexan, sen que non se dea discriminación nin abuso. Tarefa esta sempre difícil e especialmente en tempos de crise xa que esta afecta máis aos colectivos máis desfavorecidos. E só cunha política eficaz todo o ano, conseguiremos que o 8 de marzo sexa realmente unha festa.

Presupuestos 2011??

Comentaba un conocido economista que el corazón de todo gobierno se encuentra en el presupuesto. Los políticos pueden hacer promesas sin cesar, pero si el presupuesto no cuadra, la política es poco mas que meras palabras.

En Pontedeume estamos ahora en esta situación. El gobierno local del PP, presentó un presupuesto para el año 2010, con ingresos inflados y con cifras por tanto que no cuadraban, que fue rechazado por toda la oposición. Renunció a consensuar con los otros grupos municipales un nuevo documento presupuestario, durante todo el año pasado, olvidándose de defender las promesas contenidas en su programa electoral y se limitó a ir tirando, funcionando con el presupuesto prorrogado del 2009.

En los últimos meses del 2010 debería haber presentado el proyecto de Presupuesto para el 2011, y una vez mas renuncia a poner en un documento sus prioridades de gasto para mejorar los servicios públicos, o proyectos de inversión para nuestro pueblo.

¡Será que no tienen ideas, ni un solo proyecto nuevo que defender, como se está observando en toda la legislatura!.

Termina ya el mes de febrero y siguen sin presentar, como es su obligación, el presupuesto para este año y se resignan a continuar con el del 2009 prorrogado. Renuncian una vez mas a programar los gastos y sus prioridades de actuación, y se contentan con ir atendiendo el día a día, eso si publicitando de vez en cuando obras o mejoras para las que no tienen asignación presupuestaria. ¡Pura palabrería que se la lleva el viento!.

En definitiva, si el presupuesto es el instrumento a través del cual se concreta la actuación política y administrativa del ayuntamiento, tenemos que concluir que este gobierno del PP ha renunciado a su actividad política y al trabajo para el que fueron elegidos, y solo se mantienen en sus cargos por la nómina mensual.

Preguntas que presentaremos ao Pleno Ordinario de Febrero (24/02/2011)

1ª.- Que proposta concreta teñen dende o Goberno Municipal para ampliar a oferta de prazas para os menores das familias eumesas e para unha ampliación dos cidadáns atendidos nos seus fogares polos distintos servizos de axuda a domicilio? Hai algunha novidade na oferta formativa no eido da atención aos dependentes? Pensan a lo menos escoitar ás mulleres, as súas necesidades, preocupacións, proxectos… constituíndo o Consello Municipal da Muller?

2ª.- Que actividades teñen programadas para que Pontedeume sexa un referente galego na conmemoración do 2011 como ano dos Bosques? En colaboración con que organismos? En que datas?

3ª.- Cal é o motivo de que a día de hoxe aínda non se fixese efectivo o pagamento da axuda correspondente ás anualidades do 2009 e 2010 ao grupo de teatro “Arjé”?

4ª.- Cales son os criterios seguidos para a utilización dos novos taboleiros informativos?

5ª.- Pódenos informar en que punto se atopa o proceso de adaptación de varias naves das “Lonxas de Raxoi” para as instalacións que albergarán o Mercado provisional?, hai novidades con respecto á rehabilitación do inmoble principal?

6ª.- Denunciabamos no Pleno do mes de novembro una serie de verquidos de augas fecais que se estaban a realizar no vial que discorre paralelo entre o Paseo Marítimo e a Rúa Río Eume, situación que persiste a día de hoxe. Tomouse algunha medida dende o Goberno Local para rematar con este problema?

7ª.- En conversas mantidas con representantes de “UCOA”, trasladóusenos o interese desta asociación pola modificación da Ordenanza Municipal de venda ambulante. Así mesmo, fomos informados de que dita proposta se lle fixera chegar ao Goberno Local. Fíxose algunha xestión ao respecto?

8ª.- Cal é o motivo de que proxectos de nova construcción de edificios situados na fachada da nosa Vila, como o proxectado para a Praza de España ou o do Café Martiño, non dispoñan aínda da preceptiva licencia municipal despois de anos de tramitación? Cal é a situación actual do persoal da oficina técnica de Urbanismo?.

9ª.- O 19 de Xaneiro publicábase no xornal “La Voz de Galicia” un especial de 72 páxinas con motivo da inauguración en Madrid da XXXI edición de FITUR, unha das feiras adicadas á promoción turística con máis prestixio internacional. Chamaba a atención nesa crónica na que se incluían reportaxes e publicidade de moitos dos municipios do noso entorno, a ausencia de Pontedeume, feito este incomprensible se temos en conta a importancia que ten o turismo para a economía dunha vila como a nosa, na que o 51% da poboación activa adícase ao sector servizos. Tendo en conta o descrito anteriormente, gustaríamos saber si este ano ao igual que en edicións anteriores, o noso Concello estivo presente neste importante evento.

O PSdeG-PSOE eumés eleva ao Parlamento de Galicia o conflicto d@s traballadores/as de EINSA

Dende o Grupo Municipal Socialista no Concello de Pontedeume queremos amosar a nosa sorpresa e indignación ante os últimos acontecementos acaecidos en relación á situación que se está a vivir na empresa de artes gráficas “EINSA”, xa que non entendemos o feito de que unha semana despois de facerse efectivo o despido de 26 traballadores se esté a contratar a persoal a través de empresas de traballo temporal, máxime se temos en conta que unha das razóns esgrimidas dende a compañía para tomar esta decisión estaba baseada na ausencia de carga de traballo.

Non podemos tampouco comprender e moito menos compartir a postura da Dirección da empresa, xa non pola actitude de total “desinterese” amosada durante as últimas semanas, senón polo feito de que rexeitase unha das principais medidas proposta dende os sindicatos, consistente na aplicación dun ERE temporal, o que a efectos prácticos viría a supoñer unha solución similar á contratación de persoal eventual pero evitando os despedimentos anteriormente mencionados, con o conseguinte aforro económico para a compañía.

Como representantes dos cidadáns e tendo en conta a falta de novas iniciativas a tomar por parte do noso Goberno Local ante unha situación que afecta tan gravemente á economía de moitas familias eumesas, faremos as xestións necesarias para presentar unha interpelación parlamentaria na que se inste á Consellería de Industria a mediar para a consecución dunha solución que teña en conta as xustas reivindicacións dos traballadores.

Este venres os escolares asistirán a un FALSO Pleno do Concello de Pontedeume

Dende o Partido Socialista eumés queremos denunciar a falsa idea da democracia que se está a transmitir dende o Goberno Municipal aos escolares da vila.

Xa por terceiro ano desvirtúase o máximo órgano de representación democrática que ten un Concello, convidándose a estudiantes de primaria ao “III Pleno Infantil Concello de Pontedeume”.

Unha actividade que tendo como obxectivo a creación dunha sociedade máis xusta, a participación, a tolerancia.., fins todos eles moi loables, e fundamentais na formación dentro dunha sociedade democrática, nace dunha mentira: Pleno non é, pois o alumnado non escoitará aos lexítimos representantes da maioría do pobo eumés posto que a oposición eumesa por 3º ano consecutivo non estarán no que o goberno do P.P. deu en denominar Pleno.

Os nenos e nenas poñerán de manifesto os asuntos que lles preocupan, pero escoitarán soamente as respostas, as propostas, as solucións pola boca de 4 dos 13 Concelleiros e Concelleiras que representan democraticamente a Pontedeume.

Esta é a idea de sociedade igualitaria e xusta que o Sr. Alcalde quere transmitirlle ao futuro que representan os nenos e nenas que o venres ás 11 da mañá asistirán ao que eles pensan que será un Pleno democrático?

Parécenos realmente grave a utilización que se está a facer do máximo órgano de representación democrática e da infancia eumesa. Instamos publicamente ao Sr, Alcalde a que suspenda esta actividade ou ben a substitúa por un Pleno democrático acorde cos tempos que vivimos e non este máis propio do século pasado ou de pobos que viven baixo rexímenes onde a oposición é silenciada

Bernardo Fernandez Piñeiro , candidato do PSdeG eumés para as vindeiras eleccións municipais

Bernardo Fernandez ten 29 anos, é músico profesional e natural de Pontedeume

- Sustitúe a Agustín  Vilariño Gómez como cabeza de cartel dos socialistas.

- A número dúas desta lista será a actual edila Mª carmen Cascallar Pita.

- Logrou o apoio do 94% da asemblea celebrada onte, no Centro Municipal de Maiores de Pontedeume.

Pontedeume, 12/02/2011:

O pasado Venres día 11 de febreiro, os Socialistas Eumeses eliximos o noso Candidato para as vindeiras eleccións municipais do mes de maio. Nunha asemblea marcada pola unidade e cohesión do partido, presentouse, proposta dende a Executiva Local, unha soa candidatura encabezada polo compañeiro Bernardo Fernández Piñeiro, acompañado no segundo posto por María del Carmen Cascallar e no terceiro por Xesús García, acadando esta o 94% dos votos emitidos pola militancia, con tan só dous votos en branco.

Foron dous os factores fundamentais que nos moveron a presentar esta candidatura, por unha banda, a responsabilidade social que nos compromete como Partido con a cidadanía e por outra, a necesidade de cambio que esta cidadanía reivindica ante a intolerable incompetencia dos que, nos últimos catro anos, non fixeron máis que malgastar o diñeiro público, abandonar as políticas sociais e “infrautilizar e infravalorar” o acadado en etapas anteriores por Gobernos Socialistas.

Pretendemos, polo tanto, conxugar nesta candidatura xuventude e experiencia, enerxía e capacidade, eficacia e eficiencia, compromiso e honestidade. Cualidades todas elas que son insignia dos Ideais Socialistas.

O xa elixido candidato manifestou que a cohesión, a participación e o compromiso que caracterizaron esta asemblea tiñan que facerse extensibles á relación que todos os integrantes da candidatura deben propiciar e manter coa cidadanía, co pobo eumés. Porque é o pobo, as necesidades do pobo, o que nos move á acción.

Lonxe da busca do beneficio persoal que caracteriza a outras conductas mal chamadas políticas, témola obriga de procurar o máximo benestar para tódolos nosos veciños. Veciños que sen dúbida están fartos da pésima xestión de recursos e o desgoberno galopante no que o PP mergullou ao noso Concello. Veciños que desexan ver como Pontedeume saca a cabeza do pozo para respirar.

Asegurou tamén, que ante esta situación, o noso compromiso co pobo debe ser máis estreito e forte que nunca. Estreito no sentido de que a relación con cada un dos veciños e veciñas de Pontedeume debe estar fundamentada na proximidade e nunha comunicación bidireccional, dando a todos a oportunidade de coñecelas nosas ideas e, sobre todo, dando a todos a oportunidade de expresárnolas súas.

Durante o acto honrouse a memoria dun dos pioneiros do Socialismo Eumés, o Presidente da nosa Agrupación, Juan Balado Galego, que tristemente faleceu hai poucos días. Sen dúbida, a súa memoria e todo o que del aprendemos permanecerá no tempo e nos guiará no presente e no futuro.

In Memoriam. Juan Balado Galego, Presidente de Honra da Agrupación Socialista de Pontedeume

Juan Balado Galego (O Señor Balado),naceu no ano 1915, na parroquia de San Martín do Porto no Concello de Cabanas. Xa en tempos da República, os seus ideais de esquerdas o fixeron militar e comprometerse co socialismo. Unha vez perdida a Guerra Civil, o Señor Balado foi represaliado polas tropas franquistas, que lle arrebataron incluso a posibilidade de subsistencia queimándolle o barco pesqueiro no que faenaba.

Foi sempre unha persona íntegra nos seus ideais, fiel á esquerda, o primeiro nas asembleas do PSOE local, disposto a enriquecernos coa súa opinión e incluso, en momentos complicados da nosa agrupación, animou aos seus compañeiros e compañeiras a continuar, sempre cunha palabra amable.

Militante activo e histórico, que non desperdiciaba a oportunidade de recordarnos aos seus compañeiros os tempos pasados e a importancia da fidelidade a unhas ideas.

Nestes últimos anos, nos que a súa lucidez mental era intachable e envidiable, colaborou con diferentes persoas e asociacións preocupadas pola Memoria Histórica deste País, converténdose nunha das mellores fontes orais de Galicia nesta tarefa.

Dende a Agrupación Socialista de Pontedeume, lamentamos a pérdida do noso Presidente de Honra, e trasladamos o pésame de tódolos compañeiros á súa familia.

Unha aperta, Señor Balado.

FDO: Toda a Agrupación Socialista de Pontedeume