O GOBERNO EUMÉS REDUCE AS AXUDAS PARA MATERIAL ESCOLAR

No pasado Pleno de Agosto presentábase a ordenanza reguladora das bases de concesión de axudas destinada á adquisición de material escolar a familias con escasos recursos económicos para E.Infantil, Primaria e ESO. Van destinadas a aqueles alumnos e alumnas que pertencen a familias con ingresos anuais non superiores a 18000€.

Tróuxose a Pleno con certo atraso con respecto a anos anteriores. Tardanza preocupante se pensamos na experiencia do curso pasado: Aprobouse en Maio de 2009 e non foron efectivas as axudas ata maio deste ano.

Xustificando a súa política de axudas nunha falsa austeridade non incrementan a partida nin un céntimo e  diminúen a cuantía de cada axuda de 90€ do curso pasado a 60€ o presente curso.
O Sr Concelleiro de Educación dixo que tiñamos que valorar o esforzo municipal neste ano, xa que non o mesmo para o Concello os 10800€ do ano pasado que os 10800€ deste ano. A nosa resposta foi clara e contundente: Moito máis que as arcas municipais  van notar as familias no peto a reducción de 90€ a 60€ .

O PSdeG-PSOE non pode apoiar a austeridade cos máis débiles vendo como ademais malgastan miles de euros, con ou sen reparos de intervención: Recentemente 6000€ no aluguer dunha pantalla para ver a final do Mundial ou privatizando traballos que se facían con empregados municipais, acadándose cuantías infinitamente superiores que o diñeiro que se está a escatimar no material para a educación dos menores da vila.

Esperabamos que reconsideraran este recorte nas axudas, pois como lle comentamos ao Sr. Crespo a Xunta de Galicia esta lonxe de garantir a gratuidade total de libros e as familias teñen que afrontar o custo do libro de matemáticas en castelán (Entre 20 e 30€ ), os caderniños de idiomas( máis de 30€), os libros de lectura (un por trimestre e idioma, arredor de 50€), máis o material de plástica, diccionarios e ademais o que si contemplaba o Sr. Concelleiro de Educación: cadernos, lapis, bolígrafos, gomas etc. As contas non saen, con 90 € sen cubrir o custo total sería unha axuda que posibilitaría o acceso e continuidade nos estudios a quen careza de medios económicos con 60€ non chega á categoría de axuda.

Negáronse a negociar co resto dos grupos unha partida suplementaria de 2700€ o que garantiría 150 axudas de 90€.Obxectivo mínimo se consideramos que o ano pasado déronse 120 axudas de 90€ dun total de 270 solicitudes.

Con esta reducción  nas axudas o Sr. Crepo, como responsable da area  demostrou  ademais da falta  de vontade política do Goberno unha escasa solidariedade cos máis necesitados,  pois este diñeiro é perfectamente asumible polo noso Concello.

Unha vez máis os dous Concelleiros do Círculo de Opinión Eumés saíron en apoio dos seus ex- socios de goberno, apoiando esta reducción nas axudas, cando viron que o goberno PP quedaba en minoría. E o comezo de curso das familias eumesas con menos recursos económicos será este ano moito máis duro que o pasado.

Rogos que levamos ao Pleno Ordinario de Agosto

1.- Queremos chamar a atención de novo sobre o abandono e deixadez á que o goberno municipal ten sometidas as zonas verdes do noso Concello. Ó mal estado e inutilización dunha parte do Parque Alcalde Sarmiento,  á deficiente recollida de residuos sólidos nas Fragas do Eume e ó deterioro e utilización como estacionamento permanente de vehículos da Alameda de Raxoi, debemos sumar a situación de abandono que presenta o entorno e área recreativa de San Miguel de Breamo, coa herba alta, invasión de maleza, restos de mesas e construccións de madeira da romería de Maio, árbores secos e suciedade por todas partes, o que supón un lamentable espectáculo para os veciños e visitantes que se achegan á ermida románica, máxime nesta época de turismo e lecer. No diario “La Voz de Galicia” do pasado día 18 de Agosto, e na súa sección “Crónicas del Territorio”, escrebía Andrés Precedo Ledo: “… pero concluiré señalando la suciedad, la desidia, la negligencia y todo lo que se quiera del monte Breamo en Pontedeume: el estado lamentable del entorno de la bellísima iglesia románica que lo corona se prolonga por la ocultación del mejor mirador natural de la zona por construcciones privadas o por eucaliptos”. Pregamos ó goberno municipal que adopte as medidas necesarias para pór fin dunha vez por todas á degradación que están a sofrer as zonas verdes do Concello, contribuíndo así á mellora e posta en valor do noso  territorio, do noso patrimonio, e da nosa paisaxe.

2.- As obras de pavimentación das Rúas San Agustín e Virtudes, retrataron a incapacidade do goberno municipal para establecer un dispositivo especial de tráfico, que dexenerou nun caos circulatorio que estamos a vivir case a diario. A falta de sinalización das vías alternativas, a apertura e peche de xeito caprichoso da Rúa Ferreiros ó tráfico rodado -mantendo o sinal de dirección prohibida cando está aberta- ou a utilización en doble sentido circulatorio da Rúa Tafona e a Corredoira das Virtudes, está a pór a proba a paciencia dos usuarios e veciños con pésimos resultados. A todo isto debe engadirse a presenza o fin de semana no novo paseo marítimo do Porto, de vehículos estacionados en riba do pavimento de pedra e na zona inmediata ó paseo de madeira. Compre rematar con este caos circulatorio, polo que pregamos que polo goberno municipal se adopten as medidas de regulación, vixilancia e control do estacionamento e circulación de vehículos na nosa Vila, poñendo ás persoas por riba dos coches, e devolvendo ós veciños os espazos de lecer que lles están a ser diariamente usurpados.

3.- Diante das xustificadas queixas dos veciños polo apagón do alumeado público entre o Souto da Vila e a Praza da Calzada que poidemos comprobar estes tres últimosdías, pregamos, se non se fixo hoxe, se proceda de forma inmediata ó seu arranxo evitando que se repita polo risco que supón pola noite para os residentes na zona.

4.- Con motivo das obras de ampliación da Rúa Galera, e de construcción do peche perimetral do colexio por esa zona, vemos con sorpresa como o devandito peche remata nunha parede vertical de máis de dous metros de altura na fronte á Avenida de Ferrol, que ademáis de antiestético e do efecto pantalla que produce, contrasta coa altura do resto do muro pola devandita avenida. Cremos, xunto con moitos veciños que nos fixeron chegar a súa sorpresa, que debería buscarse unha solución menos impactante e de menor altura na unión do peche novo co antigo dende o encontro das dúas rúas, polo que pregamos que por parte do Concello se fagan as xestións necesarias diante da empresa constructora ou de quen corresponda para darlle resposta a este problema dunha forma máis estética e satisfactoria.

5.- Pregamos doten os parques infantís eumeses de columpios adaptados aos máis pequenos( os que lles permiten balancearse con seguridade e autonomía) e o arranxo dos parques infantís que se atopan fora do casco, especialmente o de Vizús dado o seu lamentable estado.

6.- Pedimos a revisión lingüística da páxina web do Concello, que segue mesturando as dúas linguas oficiais e con incorreccións ortográficas e gramaticais. Rogamos a súa actualización, xa que, por poñer un exemplo, aínda remite aos usuarios e usuarias ao edificio de FOREMDES. Reiteramos o rogo xa presentado da ampliación da páxina Web con todos os documentos que podan facerse públicos para facilitar a súa consulta pola veciñanza e así tamén dar axilidade á administración local.

7.- Ante o inicio da tempada deportiva pregamos a adaptación dos horarios do Pavillón Municipal ás necesidades dos usuarios e usuarias, e a axilización e eficacia na xestión das axudas para o Campo de Fútbol Municipal a fin de facer realidade o máis axiña posible as melloras programadas para as instalacións da Gándara.

8.- Aproveitamos a ocasión para lembrarlle ó Sr. Alcalde que en contra do que ten declarado na prensa recientemente asegurando que a RPT fora aprobada polo anterior goberno, que tal e como consta en acta o devandito acordo foi tomado pola anterior Corporación incluíndo os votos favorables do seu grupo.

9.- Queremos chamar a atención de novo sobre o abandono e deixadez á que o goberno municipal ten sometidas as zonas verdes do noso Concello. Ó mal estado e inutilización dunha parte do Parque Alcalde Sarmiento, á deficiente recollida de residuos sólidos nas Fragas do Eume e ó deterioro e utilización como estacionamento permanente de vehículos da Alameda de Raxoi, debemos sumar a situación de abandono que presenta o entorno e área recreativa de San Miguel de Breamo, coa herba alta, invasión de maleza, restos de mesas e construccións de madeira da romería de Maio, árbores secos e suciedade por todas partes, o que supón un lamentable espectáculo para os veciños e visitantes que se achegan á ermida románica, máxime nesta época de turismo e lecer. No diario “La Voz de Galicia” do pasado día 18 de Agosto, e na súa sección “Crónicas del Territorio”, escrebía Andrés Precedo Ledo: “… pero concluiré señalando la suciedad, la desidia, la negligencia y todo lo que se quiera del monte Breamo en Pontedeume: el estado lamentable del entorno de la bellísima iglesia románica que lo corona se prolonga por la ocultación del mejor mirador natural de la zona por construcciones privadas o por eucaliptos”. Pregamos ó goberno municipal que adopte as medidas necesarias para pór fin dunha vez por todas á degradación que están a sofrer as zonas verdes do Concello, contribuíndo así á mellora e posta en valor do noso territorio, do noso patrimonio, e da nosa paisaxe.

Preguntas que presentamos ao Pleno Ordinario de Agosto

1ª.- Hai un mes presentabamos a este Pleno un rogo que recollía algúns dos aspectos que o noso grupo considera básicos na colaboración entre o Concello e a Escola para garantir o comezo de curso na nosa vila , esperamos que o goberno municipal tivera en conta e agora poda respostarnos satisfactoriamente ás seguintes cuestións:

• Estarán os centros escolares dependentes do Concello preparados no que atinxe á súa hixiene incluíndo a limpeza de cristais e zonas verdes?
• Incorporarase ao CEIP de Andrade persoal responsable do mantemento e custodia, de que tipo e en que data?
• Unha vez pecho o recinto do CEIP “Couceiro Freijomil”, habilitarase o patio de infantil para que dende o primeiro día de clase os máis pequenos podan xogar  nun espacio axeitado en extensión e seguridade? Responsabilizarase o Concello directamente ou fixéronse as xestións pertinentes para que o realice a Consellería de Educación?
• Poden informar do proceso de matrícula da Escola Infantil Municipal: Número de prazas solicitadas, nº de prazas cubertas, nº de prazas na quenda de mañá , de tarde…? Xestionaron algún tipo de oferta paliativa da máis que evidente falta de prazas para os máis pequenos do noso Concello?

            2ª.- Asumindo que a ausencia da Concelleira de Servizos Sociais foi o que  levou ao Concello a respostar con pouca profundidade a preguntas referentes a esa area retomámolas neste Pleno:

• Cal é a realidade da aplicación da denominada Lei de Gran Dependencia no noso Concello?: Nº de doentes atendido, tipo de  atención, presuposto, nº de persoas en espera, tempos de espera etc.
• . En que momento se atopa e cando vai ser traído a Pleno o prego e sacada a concurso a Atención aos doentes dentro da Lei de Gran Dependencia?

            3ª.- O plan de solidariedade municipal ante a crise vai camiño de chegar cando esta por fin estea rematada, mentres hai familias que pasan necesidades esperan a nosa resposta como institución máis próxima:

• En que momento de elaboración se atopa, que se fixo e que falta por facer?

            4ª.- Nos pasados anos deixouse de realizar ou reduciuse considerablemente  o Baile de saída dos Mómaros o día 7 na Praza Real, xustificando este feito dende a Alcaldía por falta de seguridade.

• Planificaranse o inicio das Festas para que o pobo poida presenciar un dos momentos máis esperados do ano festivo eumés e nenos e grandes poidamos ver ese primeiro baile na Praza Real que acostumaba ser case tan longo como emocionante?
• :Hai algunha novidade con Poden informar sobre a programación respecto a outros anos? Onde se van poñer as atraccións de feira? Quen vai dar o Pregón das Festas? Estará Protección Civil na xira ó Río Eume?.

            5ª.- A pasada semana publicabase nun medio de comunicación unha entrevista ó Sr. Alcalde na que, entre outros extremos, aseguraba que no mes de Setembro se construiría o Mercado provisional, actuación para a que, según o rexedor, “no dependemos de las subvenciones”. Quere decir isto que o goberno municipal decidiu non solicitar finalmente a subvención tantas veces anunciada ou debemos pensar que a pesares de que a soliciten teñen Vdes. coñecemento de que non lles será concedida?.

            6ª.- En que punto se atopan as xestións diante do Bispado para a cesión e posterior construcción dun albergue de peregrinos no antigo Hospitalillo?.

            7ª.- Na última sesión plenaria denunciabamos que a  causa das obras de mellora da instalación eléctrica dunhas vivendas de Centroña se secara a fonte do Quinteiro. A día de hoxe a empresa responsable deste desperfecto non voltou pola zona e a fonte segue sen auga. Que medidas teñen pensado tomar tanto para sancionar á empresa coma para arranxar a fonte?.

            8ª.- O persoal contratado para a limpeza de praias a través da promoción de emprego, pode traballar no camión de recollida de lixo?

            9ª.- Nuns días estaremos disfrutando un ano máis das Festas das Peras. A canto ascende o presuposto deste ano para ditas festas? Poden xa informarnos do custo das celebradas nos anos 2008 e 2009?.

             10ª.- Diante das obras de remodelación do Mercado Municipal, fíxose algunha xestión diante da Xunta para a eliminación, previo traslado das dependencias, do edificio de “Extensión Agraria” na rúa San Miguel.

O Goberno Municipal adeuda dende hai máis de dous anos miles de euros a empresas da nosa vila

Os economistas din que pola boca morre o peixe e pola morosidade a empresa, e iso é o que lle esta a pasar a centos de pequenas e medianas compañías ás que os seus debedores deixan de pagar ou alongan os prazos de mora sine die. Entre estes “debedores” atópanse as administracións públicas. Existe unanimidade tanto na patronal coma nos sindicatos cando se refiren a este coma un dos principais problemas que afectan ao noso tecido produtivo.

Desgraciadamente os empresarios da nosa vila non son unha excepción. Na última sesión plenaria interesabámonos pola situación de empresas do noso termo municipal que, nalgún dos casos, levan máis de 2 anos esperando a que se lles abonen facturas por traballos realizados para o Concello. Isto é o que lles ocorre a varias compañías de construción, que esperan dende hai meses a que se lles abonen facturas cuia suma  ascende a decenas de miles de euros por traballos tales coma arranxos de camiños, rúas… Similar é a situación dalgúns comercios, aos que nun dos casos a débeda por a adquisición de electrodomésticos ronda os 7.000 euros, o que fixo que os seus empregados retirasen algúns destes aparatos das dependencias municipais onde se atopaban. Librerías ou locais de hostalería súmanse a este “desdichado club” a espera de que o Grupo de Goberno teña a ben pagarlles polos seus servizos.

Esta situación contrasta con a que viven as “empresas amigas” do Goberno Municipal. Mes tras mes podemos comprobar nos decretos da alcaldía coma a estas sociedades contratadas de forma irregular se lles paga relixiosamente, a pesares dos reparos emitidos pola intervención municipal; por non falar dos 6.000 euros da famosa pantalla traída dende Portugal.

Por se isto non fose suficientemente grave, temos que recordar que a Lei de contratos do Sector Público marca imperativamente un prazo máximo de 55 días para que a Administración satisfaga as cantidades acordadas con a empresa. Transcorrido ese tempo, e en cumplimento do establecido na Lei de Morosidade, deberá pagar uns intereses de demora, que actualmente ascenden a un  11,07%. É dicir, que o presuposto inicial dos traballos se verá incrementado considerablemente por non pagar a tempo, o que irá en detrimento das arcas municipais.

Dende o Grupo Municipal Socialista queremos recordarlle aos membros do Goberno Municipal que dende a Administración Local se pode i se debe loitar contra a crise. Máis ala da aprobación en Pleno de “mocións para a galería” dirixidas contra Goberno do Estado, comezen señores do PP por pagar ás empresas da nosa vila que prestan os seus servizos ao Concello e de paso, rematen con a situación irregular das súas empresas amigas.

Novo Boletín Municipal do PSdeG-PSOE

Descarga o novo Boletín nos seguinte enlaces:

Interior do Boletín (18Mb)

Portada e Contraportada (2Mb)

Este boletín o recibiredes nos próximos días nas vosas casas

Limiar: Fin de Ciclo:

Cando queda menos dun ano para que os eumeses acudamos a elixir unha nova Corporación Municipal, xa dispoñemos de datos suficientes para valorar o labor de goberno nos mais de tres anos transcorridos, sen que se agarden sorpresas finais no tempo que resta, un tempo que se verá marcado polas políticas de contención e control do gasto adoptadas por todas as administracións públicas.

Neste longo trienio, un goberno municipal do PP escaso de efectivos e iniciativas, ensimesmado na súa actuación, de perfil funcionarial e baixa produtividade, deixou escapar unha oportunidade única de transformación e impulso do noso Concello, pola falta dun proxecto de futuro e pola súa proverbial incapacidade para xestionar debidamente os importantes medios que o destiño puxo nas súas mans, principalmente os 2.500.000 € en inversións que lle corresponderon a Pontedeume nos dous plans (Plan E e FEIL) do goberno de Rodríguez Zapatero.

Unha boa mostra da visión dos nosos gobernante a atopamos nunhas recentes declaracións en prensa, nas que o Sr. Torrente queixábase da deixadez á que o anterior goberno bipartito da Xunta presidido por Emilio Pérez Touriño tiña sometida á nosa Vila, nun claro exemplo de amnesia sectaria inescusable para un home de mar que iniciou o seu mandato como Alcalde cando no Porto de Pontedeume xa estaban case rematados o edificio da Confraría e os novos Almacéns, o CEIP “Couceiro Freijomil”,  e adxudicada a obra de remodelación da fachada marítima de Pontedeume, unha obra esta última cunha inversión que rolda os 3.000.000 € e que foi entorpecida e cuestionada reiteradamente polo goberno municipal ante o asombro das autoridades autonómicas de entonces.

Se a todo isto sumamos a subvención de 340.000 € para o novo Campo de Fútbol da Gándara, recentemente aprobada pola Deputación Provincial de A Coruña, cumprindo así o compromiso adquirido en Febreiro polo seu Presidente, Salvador Fernández Moreda, co noso portavoz, temos que preguntarnos onde están os investimentos do goberno municipal do PP nestes tres últimos anos?, e, o que é mais sorprendente, que importante aportación para Pontedeume ten realizada o goberno amigo de Núñez Feijoo no ano e medio que leva á fronte da Xunta de Galicia?.

Esta é a realidade que os socialistas eumeses queremos facer chegar ós veciños mentres comprobamos como os problemas que afectan ó día a día de todos –limpeza, Mercado, urbanismo, alumeado, tráfico, seguridade,…- seguen ausentes nas prioridades do noso goberno, se ben, a proximidade do final deste triste ciclo nos serve de estímulo para seguir traballando mais e mellor no convencemento de que o vindeiro ano Pontedeume terá un novo goberno municipal que saberá estar á altura que a nosa Vila demanda, e no que aos socialistas nos atoparán en primeira liña

Denunciamos o deficiente servizo de abastecemento de auga potable nas parroquias de Centroña e Boebre

Coa chegada da tempada estival e o conseguinte aumento de habitantes que experimenta a nosa vila, as parroquias de Centroña e Boebre ven acrecentados os problemas de abastecemento de auga potable que veñen sufrindo dende hai anos. Debido ao escaso caudal da condución municipal, hai xa días que actos tan cotidianos como darse unha ducha son case unha utopía para os veciños destas zonas, que ven como dende a Concellería de Obras e Servizos nada se fixo nin se fai para paliar esta situación.

Temos que ter en conta que o actual Goberno Municipal contou con máis fondos para este tipo de actuacións que calqueira outro na historia da nosa vila. Axudas coma os FEIL 2009 e 2010 , máis coñecidos por “Plan E”, ás que temos que engadir varios Plans anticrisis da Deputación Provincial, achegaron ao noso Concello preto de 3 millóns de euros, 500 millóns de pesetas, dos que non se adicou nin un só céntimo a solucionar esta problemática. A pesares de ser unha proposta de case todos os Grupos da Oposición, o PP non tivo interese en levar a cabo a obra de mellora da condución, escudándose en que tería que destinar case a totalidade do fondos recibidos para este fin. Tendo en conta isto, e a pesares de ser un proceso máis lento, dende o PsdeG-PSOE propuxemos, e propoñemos, levar a cabo esta actuación por fases, de forma que o custo da obra sexa asumible para as arcas municipais, xa que somos conscientes de que unha vez pasada a oportunidade que nos brindaba o Plan E, será case imposible obter novamente unha subvención desta cuantía que nos permita  levar a cabo esta actuación.

INCAPACIDADE DO GOBERNO EUMES PARA AFRONTAR A DEMANDA DE PRAZAS DA ESCOLA MUNICIPAL

O Abandono dos servizos á infancia en Pontedeume é un feito dende que goberna o Partido Popular.

A este non lle interesan os bens intanxibles para ningún sector de idade así os maiores fan as actividades físicas sen aire acondicionado en pleno verán ou descansan na Alameda no medio dos coches…

Dende Servizos Sociais non ofertaron campamentos de verán, e o Campamento Urbano improvisado no último momento está medio baleiro mentres  os nenos e nenas  de máis de 12 anos quedaron sen ningunha oferta deste tipo…

É especialmente grave a xestión da política educativa nas  mans do Concelleiro de Obras e Servizos Municipais dende que o Alcalde reduciu as responsabilidades da Concelleira de Servizos Sociais “para conquerir unha maior celeridade e eficacia na xestión municipal”.

Que celeridade é facer chegar as axudas para libros e material escolar de comezo de curso en maio? E que na actualidade aínda non  trouxeran a Pleno para a súa aprobación as que deberían chegar ás familias neste comezo de curso?

Onde está a eficacia se continúan có seu abandono de responsabilidades non dotando ao colexio de Andrade de conserxe, e  utilizando unha pista escolar como aparcadoiro non abren as portas da nova pista do “Couceiro”, para a lo menos paliar a perda dun espacio de lecer dos menores eumeses?

A Escola Infantil que dependía  de Servizos Sociais tamén foi eliminada das responsabilidades da Sra. Carballeira para absorbela o Sr Crespo.

Dende o Grupo Municipal Socialista cuestionamos unha vez máis a  afirmación do Alcalde, pois tampouco neste caso vemos por ningures a eficacia nin a celeridade :
- O número de prazas para esta idade creadas nesta lexislatura e CERO. Nun pobo onde quedan sen praza máis do dobre de nenos e nenas que a conseguen. Estes días medio centenar de nenos e nenas quedaron sen praza na escola infantil municipal que solo admitiu 25 .
- Non se aproveitou a oferta de Galescola do anterior Goberno da Xunta e coa Xunta actual,  presidida polo Sr. Feijoo,  nada xestionaron. As familias eumesas afrontan o comezo de curso con unha gran eiva educativa para os menores da casa que ademais dificultará a conciliación da vida familiar e laboral de moitas nais e pais nesta época de crise.

Que resposta eficaz e rápida lles da o Sr Torrente a estas familias? Por que non se dotou, polo menos, de máis servizos a infancia nas dúas escolas que se pecharon en Campolongo e en Centroña como si fixeron concellos veciños en similares circunstancias e con cargo ao FEIL?, será que o Sr. Crespo ten dabondo coas “obras” e non da feito coas demais responsabilidades?.

Sr Alcalde, a última reestructuración do seu goberno non valeu nin para gañar eficacia nin rapidez, máis ben para todo o contrario. É urxente un xiro de temón para que en Pontedeume non se sigan perdendo servizos educativos e sociais.

Comentarios ao Pleno de Xullo

Este pleno, estival 100%, comezou coas ausencias da Sra. Carballeira, Concelleira de Servizos Sociais e Sanidade por motivos de saúde, e do Sr. Alcalde, por un asunto familiar. Presidiu o Pleno o Sr. Crespo.

Na orde do día so había unha moción do PP, moción tipo sobre o decreto do carbón, e que o Voceiro do PP simplemente leu, sen darlle sequera un pulo local ou persoal. Por non facer, nin a traduciu ao galego, presentándoa en castelán, incumprindo a legalidade vixente no noso Concello. Claro que tendo no exilio forzoso o Servizo Municipal de Normalización Lingüística…

Esta, de todos os xeitos, aprobouse, pois as peculiaridades de Galicia non foron tidas en conta polo Goberno Central ao primar o uso do carbón nacional e as repercusións socioeconómicas negativas que de entrar en vigor o Real Decreto tería nas comarcas de Cerceda e As Pontes. Dende o comezo se está a negociar dende o PSdeG, e o PP chega tarde outra vez.

Tamén se aprobou a Moción do BNG que non estaba na orde do día. Téndoa presentada o BNG cunha semana de antelación. O Sr Torrente meteu a moción do PP na acta e achegou copia, aínda que tiña data de catro días máis tarde, e da do Bloque nin na acta nin a copia para os demais. O voceiro do Goberno si tiña copia e traía a réplica que lle mandou o Partido Popular.

Unha vez máis o noso voceiro tivo que enfrontarse á postura pouco ou nada democrática deste goberno para defender unha vez máis o respecto democrático, que é o que lles falta aos Srs. do P.P. Aquí como se atacaba a nova lexislación de Augas que está a desenvolver a Xunta non debía interesar tanto…Tamén se aprobou, coa abstención do COE e o Sr. Sande (Ex COE), que están cada día máis despistados, ou fan oposicións ás listas populares?

Pasamos ás preguntas (tedes neste blog as preguntas que levamos):

1- A resposta está resumida e comentada na nota de prensa que publicamos, esquecéusenos o detalle de que o Sr. Otero engadiu que “Hay mas actividades que nunca!”, pensamos que o triste é que el nunca soubo o que antes había pois a ironía non é o seu forte.

2- Non se fixo ningunha xestión, coidan que como xa a hai na Seguridade Social o Concello non ten prioritariamente que ofertala e apoian a opción de suspender o servizo da empresa que leva a Piscina Municipal.

3- De momento non tiñan nada planificado para as dúas escolas pechadas, teñen en agosto unha reunión coa Xefa Territorial, volveremos logo para o mes. Xa que non hai escola en Vilar e Centroña polo menos que distribúan as actividades municipais polas parroquias.

4- En canto a Formación na actualidade hai un curso de electricidade, pero pode que lles concedan, esperemos, un mais de electricidade, outro de informática e outro de Inglés. As traballadoras do Concello de Axuda a Domicilio se lles garante que se podan presentar as probas para homologarse a Gran Dependencia, solo faltaría, pero as outras mulleres e homes que non teñen emprego e poderían atopalo na axuda aos dependentes non se lles achega formación dende o Concello. Os cursos de Galego, disque non llos demandaron…

5- Na sempiterna pregunta sobre o concurso de Gran Dependencia, pois, o de sempre, os técnicos que están elaborando o prego e falta o estudio económico. E vai para tres anos! Deus de a quen botar as culpas!

6- No tema do lixo o xeito de colocar os soportes foi pola demanda das aseguradoras, para evitar desprazamentos cos temporais e baseándose tamén na opinión dos técnicos de limpeza.

7- O do mercado vai para largo, vanse ir para o provisional, déanlle a axuda ou costeándoo o Concello con fondos propios. Para onde aínda non se decidiu, pero teñen tres posibles localizacións. Logo de estar no provisional comezarán a xestionar axudas para o definitivo. Non nos estraña que os placeiros estean desacougados ante tan confuso futuro!

8- O Sr. Crespo enrocouse no de non lle achegar a auga a esas familias baseándose en un informe de Aquagest e, porque non busca o expediente de cesión da rúa Cabanas? A cabeciña está para pensar ademais de para turrar, e o Sr Concelleiro está turra que turra e ten aos veciños xa hai dous anos sen auga.

9- As terrazas adxudícanse previa solicitude e informe técnico. Terán todas as terrazas de Pontedeume estes requisitos? Vai ser que non. Logo, porque o Sr Alcalde mandou retirar, sen previo aviso, as terrazas do “Xa está”? Mídese a todos os hostaleiros có mesmo raseiro? Non debería un Concello mandar a lo menos unha notificación?

10- Non hai informe técnico para a retirada das chantas do Camiño da Agra, si o hai para arranxalo, máis non se sabe quen o vai pagar, se o que o estragou no 2006 ou o Concello.

11- O Camiño da Veiga amañouno Medio Rural

12- Esperan que acometan o amaño da fonte as vivendas que causaron a seca.

13- O Sr. Crespo ante a presentación de unhas facturas que non coñecía, pois el pensaba que estabamos falando de facturas do 2010 e estas eran dos primeiros meses do seu goberno, comprometeuse a recibir todas as que puideramos achegarlle e respostar no seguinte Pleno. Liquidez hai posto que se gastaron 6000€ en dúas horas de TV na Praza do Conde.

14- Nos Xardíns da Casa da Cultura, segundo informe de Patrimonio. Esperamos que sexa pronto para que se retomen as obras da rotonda e que non lle pase a estas figura o que lle está a pasar ao Torreón.

15- Agora din que é por mor das obras das rúas próximas e que deixara de ser unha Alameda-Aparcadoiro cando estas rematen. Non se entende cando ao lado da gasolinera esta o aparcadoiro do Fraga semibaleiro e por outra banda que se quiten os coches da Alameda e se deixe para a veciñanza de a pé é unha vella reivindicación, moi anterior ao amaño destas rúas.