Rogos que levamos ao Pleno de Abril

Ademais das Preguntas, e algunha moción, presentaremos os seguintes rogos:

1.- Pregamos que se xestione eficazmente, no que atinxe á administración local, a chegada e acollida dos nenos e nenas saharauis dos campamentos de Tinduf que viaxan nas denominadas “Vacaciones en Paz”.

2.- Pregamos se aceleren as xestións para unha correcta sinalización dos lugares e parroquias do noso Concello, así como iglesias, escolas e outros puntos de interese, e se faga coa toponimia axeitada.

3.- Pregamos a reparación dos baches existentes no Camiño do Peteiro, sinalizado polos veciños.

4.- Pregamos que polo goberno municipal se fagan as xestións necesarias para a limpeza, arranxo e substitución de marquesinas no noso termo municipal.

5.- Pregamos o rozado e limpeza do camiño da Xudea, entre o Souto da Vila e a traída.

6.- Pregamos a limpeza das rúas, escaleiras e xardíns da Urbanización Boa Vista.

7.- Pregamos a colocación dunha reixa protectora nos proxectores instalados no chan arredor da ermida de San Miguel de Breamo, a fin de evitar posibles danos e queimaduras.

8.- Pregamos a retirada do escombro depositado ao carón dos contadores situados no lugar do Monte, na parroquia de Andrade.

9.- Pregamos o arranxo de varias lousas desprendidas nos marxes da parte inferior da Rúa San Agustín.

10.- Diante das queixas dos veciños polo uso como estacionamento de camións e maquinaria de gran tonelaxe dunha finca rústica nos Covelos, na pista entre Barral e Cabría Vella, polas molestias que ocasionan e o deterioro que están a producir nos viais da zona, pregamos que polo Concello se investiguen os feitos e se adopten as medidas necesarias para solucionar o problema.

11.- Empresarios do sector hoteleiro fannos chegar as queixas de moitos visitantes polo feito de que na saída da AP-9 en Cabanas non exista ningún sinal que indique a dirección a Pontedeume, co conseguinte despiste de moitos viaxeiros que toman dirección a Ferrol. Pregamos que, pola administración que corresponda, se subsane esta carencia.

12.- Como xa pedimos noutras ocasións, e ante a inminencia das obras da rotonda na ponte, pregamos a retirada do oso e o xabaril e o seu traslado e ubicación no Torreón, con independencia de que se poidan encargar unhas réplicas se se pretende repoñer estas figuras heráldicas na entrada da nosa Vila.

13.- Nun Pleno do pasado Outono pediamos a retirada da ducha da praia de Sopazos, petición que non foi atendida, sendo roubada a pasada Semana Santa. Pregamos que se vaia encargando unha nova para que esta praia dispoña deste servizo o comezo da tempada estival, e non á metade de verano como ocorreu o pasado ano.

14.- Diante da celebración o sábado día 8 de maio da Romaría de San Miguel de Breamo, que se prevé masiva, pregamos se extreme a limpeza dos accesos e do entorno da Capela, se incremente o número de contedores, e se colabore coa organización na delimitación de zonas de parada, xiro e estacionamento, presenza de Protección Civil, ambulancia, etc.

Denunciamos as declaracións do Alcalde sobre a capacidade da Vila de acoller turistas

- Nunha entrevista en “Radio Voz”, hoxe o Alcalde afirmou que “en Pontedeume non caben mais turistas dos habituais”. “Non podemos acoller a mais persoas das que viven aquí ou veñen habitualmente”

- Confirmou que non teñen nada previsto para a época estival, e para a xestión turística do Concello en pleno Ano Xacobeo

O Grupo Socialista no Concello de Pontedeume non pode mais que censurar as declaracións do alcalde de Pontedeume en relación a capacidade da nosa Vila de acoller turistas.

Con perlas como “non pode acoller a novos turistas” ou “ non cabe mais xente da habitual de Pontedeume” o Señor Alcalde demostra unha nula sensibilidade por unha Vila que vive do sector servizos e que ten na campaña de verán, o seu maior índice de ingresos polo gasto dos turistas.

As dificultades que están a vivir o pequeno comercio e a hostalería en Pontedeume, parecen non ser moi importantes para o Alcalde que anima publicamente aos turistas a non vir a Pontedeume, xa que non podemos acollelos. Estas declaracións demostran a capacidade de gobernar deste Alcalde que non entende nin o mais fundamental de proxección publica dun Concello ao que él representa e ten a obriga de defender e promocionar.

Dende o PSOE reclamamos ao Alcalde que rectifique as súas verbas e anime, no maior numero de foros que poida, aos turistas a visitar a nosa Vila, coñecer o noso comercio, desfrutar da nosa hostalería (Restaurantes, Bares, Pubs ou Cantinas) e hotelería (Hoteis, Hostais e Pensións, Turismo rural,…) e desfrutar dunha Vila histórica, cun enclave físico espectacular e con opcións de turismo de natureza, cultural, ou simplemente de ocio.

Ademais en pleno ano Xacobeo, sendo Pontedeume un paso estratéxico do Camiño Inglés, sentencian dende o Goberno Municipal que “aínda” están pendentes da realización do albergue de peregrinos e que se estima que estará para finais de ano. Dende o PSOE consideramos nefasta tanto a xestión da Xunta coma do Concello neste eido, xa que non son capaces de xestionar con tempo este departamento para peregrinos cando é neste ano a maior afluencia de visitantes. Xa pasamos a Semana Santa sen albergue e continuaremos así ata finais de ano, perdendo opcións de acoller na nosa Vila aos peregrinos que pasen en verano (cando mas cantidade pasan) e que pernoctarían aquí, co gasto que iso supón por parte dos turistas no noso Concello.

Preguntas que levaremos ao Pleno de Abril

1ª.- Cal é a data na que se farán efectivas as axudas para libros e material escolar? Por que?.

2ª.- En que regulamento se basean para non cubrir a praza do conserxe no CEIP de Andrade e ofertarlle á comunidade educativa un perfil laboral novo e non contemplado na RPT (“contrato multiservicios”)?

3ª.- En que punto se encontran os trámites para a reforma do Mercado Municipal? Fíxose algunha xestión ante a Xunta de Galicia cara a conquerir axudas para a instalación do mercado provisional?.

4ª.- No mes de Novembro aprobouse o Real Decreto 1786/2009 polo que se regula a iniciativa de apoio financieiro á modernización e mellora do comercio interior. Fíxose algunha xestión ó efecto?.

5ª.- Hai case un ano que os veciños do número 1 da Rúa Cabanas veñen sufrindo graves problemas no abastecemento público de auga, ata tal punto de que os residentes nos pisos superiores carecen case totalmente deste servizo, tendo que desprazarse ás vivendas inferiores en busca de auga. En conversas dos afectados coa empresa adxudicataria, foron informados de que o problema viña da tubería exterior, por non soportar a presión necesaria. Que se fixo dende o grupo de goberno para solucionar este problema? Cal é a razón pola que a día de hoxe, e despois de 10 meses, estes veciños continúen sen a prestación deste servizo básico?.

6ª.- Que sucedeu co panel informativo da Praza de España?.

7ª.- No Pleno do pasado mes de Marzo denunciabamos os continuos apagóns do alumeado público na zona comprendida entre o Centro de Saúde e Esteiro, respostándosenos que foran motivados polas obras de instalación do alcantarillado e que se arrancaría de contado. A día de hoxe, e unha vez rematadas as obras, este problema persiste. Pensan facer algo ó respecto?.

8ª.- Téndose remitido ó noso Concello para consultas o borrador do Plan de Ordenación do Litoral (POL), fíxose ou pénsase facer dende o goberno municipal algunha recomendación ou observación, ante a importante afectación que as previsións do POL supoñen para o noso territorio e a súa incidencia no PXOM que temos aprobado inicialmente?.

9ª.- O pasado mes de Febreiro, o Pleno da Corporación rexeitaba o proxecto de Orzamento para o exercicio 2010 presentado polo goberno municipal. Ten pensado o grupo de goberno redactar e consensuar un novo documento económico que atenda as argumentacións esgrimidas polos grupos da oposición no seu momento para xustificar o seu voto en contra, ou contemplan continuar o presente exercicio co orzamento prorrogado do ano 2009?.

Sobre o servizo de alumeado público

Hai xa máis de dous anos que o servizo de mantemento do alumeado público na nosa vila está a ser contratado de forma irregular, tal e como consta nos sucesivos informes emitidos pola intervención municipal, á mesma empresa, sen que dende o Grupo de Goberno,  e máis concretamente a Concellería de Obras e Servizos se tomen as medidas necesarias para sacar esta concesión a concurso, tal e como establece a lei.

Durante todo este tempo esta situación foi denunciada en numerosas ocasións polo noso Grupo no Pleno da Corporación, instando ao Concelleiro responsable deste área a rematar con esta práctica, ao que obtemos sempre a  mesma resposta: “a concesión sairá a concurso en breve”, a día de hoxe seguimos á espera.

Por se isto fora pouco, ademais de encontrarse nunha “situación irregular”, este servizo está a ser deficitario no que á súa prestación se refire,  xerando numerosas críticas entre os cidadáns das que temos abundantes exemplos.

Dende hai máis dunha semana a caída dunha árbore causou a ruptura dunha liña de corrente nas inmediacións da estación do ferrocarril, sen que ata o momento fose retirada a árbore nin arranxada a instalación, polo que o cable encóntrase tirado no chan representando un perigo para os viandantes.

Esta situación, á que hai que engadir o gran número de puntos de luz fundos dende hai meses tanto en  parroquias coma no casco ou as farolas rotas e en mal estado, retrata sen ningún tipo de dúbida cal é a realidade deste servizo e define perfectamente ao Goberno do Partido Popular, que con a súa pésima xestión sumiu, literal e figuradamente, á nosa vila na máis escura das noites.

Por todo o exposto anteriormente reclamamos ao Goberno Municipal que, por unha banda, cumpra con a legalidade sacando a concurso a concesión do mantemento do alumeado público, e pola outra, con a súa obriga de garantir un servizo de calidade a todos os veciños e veciñas de Pontedeume.

Sobre as axudas para material escolar

O PSdeG-PSOE de Pontedeume critica ao executivo que dirixe o popular Gabriel Torrente polo atraso na prestación das subvencións para libros e material escolar. «Os socialistas queremos denunciar a tomadura de pelo de Javier Crespo (primeiro tenente de alcalde e concelleiro de Educación) coas familias que continúan esperando ás axudas que anunciou en febreiro que xa estaban resoltas», apunta a concelleira Mari Cascallar, quen agrega: «Este anuncio ou fixo despois de insistirlle dende a oposición durante varios meses non pleno, pero agora xa cambiou de parecer».

Neste sentido, Cascallar asegura que o número dous e responsable de educación do goberno local responde ás familias máis necesitadas do municipio, e que están a esperar por este respaldo, que «ás concederán proximamente». Algo que entra en contradición co exposto en febreiro «cando Crespo salientaba que xa estaban resoltas».

«A solidariedade, a eficacia e a velocidade do goberno municipal do PP é tal que xa ás portas de maio, cando probablemente aprobemos ás axudas do curso que ven, Pontedeume segue esperando polas aprobadas non ano pasado», critican dende o PSOE.

Estes respaldos económicos pretenden aliviar o esforzo que realizan a familias máis necesitadas no mes de setembro, xusto no comezo do curso escolar, para a adquisición de libros de texto e o material que utilizarán nas clases.

As discrepancias entre o PSOE e o goberno local non só céntranse na lentitude na tramitación das axudas, senón que os socialistas non comparten o novo sistema que puxeron en marcha os populares despois da súa chegada ao Goberno galego. Sobre este respecto, o primeiro partido da oposición en Pontedeume subliña que «de 270 solicitudes concedéronse 120. Isto xa parécenos grave nun ano non que ou sistema ‘solidario’ dá Xunta de Galicia deixou a ou 63’31% do alumnado eumés sen a gratuidade total dous libros».

«Unha xestión indignante»

«Pero ou realmente indignante é a xestión que se fai desincre axudas, como doutras moitas, pois ou goberno local non foi quen aínda de facelas chegar ás familias», apunta Mari Cascallar, quen insiste: Foron a pleno non pasado mes de maio. Vaise a cumprir case un ano dende a súa aprobación». Por este motivo, os socialistas acusan os populares de levar á parcela educativa «ás súas formas políticas pouco solidarias e chapuceiras».

Fonte: La Voz de Galicia

Sobre as declaracións do Alcalde:

Os socialistas eumeses vémonos sorprendidos polas declaracións efectuadas polo Alcalde en relación co enlace en Pontedeume da AP-9, que foi rexeitado por Fomento por motivos técnicos, atribuíndoo ó feito de que en Pontedeume goberne o PP, e denunciando que todas as obras do goberno central, e incluso da Deputación, están paradas por ese motivo.

Partindo da premisa de que os socialistas seguiremos insistindo na construcción dese enlace, realizando o acceso á AP-9 en Pontedeume na zona prevista, e buscando unha ubicación que sexa tecnicamente viable, resulta insólito que por parte do Sr. Torrente se diga que todas as obras do goberno central están paralizadas, cando veñen de rematar no noso Concello as obras incluídas no Plan E por importe de 1.500.000 € (Casa da Cultura, Escola de Música, saneamento Ombre, …), e se están a licitar outras por importe de case 1.000.000 € do novo Fondo Estatal (Rúa San Agustín, Corredoira das Virtudes, saneamento Río Covés, …), e que se chegue a afirmar que o Ministro de Fomento Sr. Blanco actúa polo seu color político, cando o propio Presidente da Xunta recoñece o seu compromiso e o impulso que está a dar ás inversións do seu departamento en Galicia.

Debemos sinalar que a única obra do goberno central que se atopa paralizada nestes momentos é a construcción das rotondas na estrada nacional ó seu paso pola nosa Vila, e que o foi a instancias do departamento de Patrimonio da Xunta de Galicia, se ben convén recordar que o proxecto de Fomento foi rexeitado por todos os grupos da Corporación ó suscribir por unanimidade no Pleno de 26 de xuño de 2008 unha moción do Grupo Municipal Socialista, pedindo a súa modificación e a desaparición do pasos soterrados, e a subscrición dunha iniciativa de asociacións sociais, veciñais e todos os grupos políticos en idéntico sentido, modificación do proxecto que se está levando a cabo polos técnicos de Fomento e que permitirá mais pronto que tarde a execución das rotondas.

Finalmente, polo que respecta á Deputación, á única obra que ven acumulando retraso é a construción das beirarrúas en Boebre, para o que o Concello tiña que poñer os terreos a disposición do organismo provincial. O goberno municipal desentendeuse desta obriga, e son os veciños desta parroquia, a través da súa Asociación, os que están a levar a cabo directamente esta tarefa en coordinación coa Deputación.

Os socialistas eumeses pedímoslle ó Sr. Alcalde e ó seu goberno que deixen de esconder a súa inactividade e incompetencia detrás dos demais –corporación anterior, goberno central, Deputación, bipartito…- e que se poñan a traballar, que para iso foron elixidos e para iso cobran, porque se algo se avanzou nos 3 anos que xa levan de mandato é xustamente gracias ás outras administracións que se comprometeron coa nosa Vila (goberno central, Xunta e Deputación) e non á súa escasa colleita.

Resposta do Ministerio de Fomento sobre o novo acceso da AP9 en Pontedeume e sobre as rotondas.

Sobre as rotondas na entrada da Vila:

As obras de seguridade vial de reforma da N-651 en Pontedeume (A Coruña) están suspendidas na súa execución ao estar en tramitación unha modificación solicitada pola Dirección Xeral de Patrimonio, da Xunta de Galicia, no sentido de eliminar os pasos inferiores peonís previstos na glorieta adxacente á ponte e substituíla por unha glorieta con semáforos.

Procederase á execución da actuación, tan pronto como fose tramitada a citada modificación que debe contar co informe favorable da Dirección Xeral de Patrimonio de la Xunta de Galicia e do Concello de Pontedeume.

Por outra banda, hai que recordar que unha iniciativa do noso grupo municipal, avalada de forma unánime polo resto da Corporación, manifestaba a súa oposición aos pasos subterráneos previstos na rotonda da entrada da ponte, considerando moi impactante o sistema de accesos previsto. Os informes de Patrimonio da Xunta (bipartito) foron nesa mesma dirección, polo que a solución que como consecuencia diso está a formular agora Fomento para ambas as dúas rotondas, vai na liña que ata agora defendemos.

Neste caso, o Ministerio de Fomento tivo en conta o malestar expresado polos veciños e veciñas eumeses e os partidos políticos co anterior proxecto, modificouno, e agora estamos á espera de que a Xunta de vía libre a esta necesaria obra

Enlace da AP9 co Poligono de Vidrieiro:

No que respecta ao Proxecto de Construción dun novo acceso á AP-9 entre “Pontedeume e a área de servizo de Perbes (A Coruña) “, a súa execución incumpriría a normativa de novos enlaces (Orde FOM/2873/2007, do 24 de setembro, sobre procedementos complementarios para autorizar novos enlaces ou modificar os existentes nas Estradas do Estado) así como a normativa de túneles (Real Decreto 635/06, do 24 de maio sobre requisitos mínimos de seguridade en túneles das Estradas do Estado) e a propia Instrución de Trazado 3.1.I.C. en canto a distancia entre enlaces e distancia dende a boca do túnel de Campolongo  aos carrís de incorporación.

E dicir, a construción desta saída non é unha cuestión política senón técnica. Son os técnicos os que consideran que non é legal acometer esta actuación. Neste senso, dende o PSdeG-PSOE avogaremos por unha liberalización da peaxe entre Fene-Pontedeume-Miño para, na medida do posible, mitigar o paso de vehículos pola nosa Vila.

O noso grupo, polo que se refire á circunvalación de Pontedeume pola AP-9 con saída en Vidreiro/Campolongo, a defendemos en todo momento, e se non se pode levar a cabo por criterios técnicos, como mantén Fomento, haberá que buscar unha saída tecnicamente viable na mesma dirección, e no lugar que polo Ministerio se considere máis factible.