1ª.- Que xestións realizaron dende o goberno municipal para que nos orzamentos da Xunta para o vindeiro ano 2010 comprometan as partidas necesarias para facer realidad o Centro de Día e a Escola Infantil para a nosa Vila? Con que resultados?.
2ª.- Xa que a Concellería de Educación non ten programadas actividades fora do horario escolar para o 1º trimestre do curso 2009-2010, e tendo en conta a escasa actividade do Planet este ano, que proxectos teñen para o tempo de lecer da mocidade?.
3ª.- En que momento se atopa o proceso de concesión das bolsas de libros e material escolar? Cal foi o número de solicitudes? Vaise tomar algunha medida de reforzo en vista das peculiaridades deste comezo de curso?.
4ª.- Por que aínda está por convocar o regulamentario Consello Escolar Municipal de comezo de curso? Por que nin sequera constituíron o Consello Municipal da Muller?.
5ª.- Ante a constante demanda das agrupacións dun local, e tendo espazos nos baixos do edificio do Xulgado, por que non se ceden algúns destes locais públicos como se fixo con outras asociacións que xa dispoñen dos mesmos?
6ª.- Xa está máis que superado o concurso menor de Gran Dependencia e levamos todo o ano esperando polo prego do concurso público de Gran Dependencia. Unha vez adaptado o regulamento e a ordenanza á nova Lei de xaneiro de 2009, por que aínda no se trouxo a Pleno?.
7ª.- Tras reiterados e infructuosos rogos efectuados polo noso grupo en esta sede, fíxose por parte do goberno municipal algunha xestión diante da agrupación local do PP para que procedan á retirada dun cartel electoral dese partido que pendura dunha farola de alumeado público do noso casco histórico dende hai cinco meses?.
8ª.- Cal foi o balance económico das Festas da Peras deste ano 2009?.
9ª.-No mes de xullo preséntabasenos aos Grupos da Oposición o proxecto do novo Mercado Municipal, houbo algúnha novidade ao respecto?. Fíxose xa algunha xestión ante a Xunta para a adquisición e posterior derrubo do edificio da “agraria”?. De levarse a cabo o proxecto, ten decidido o Goberno Municipal algunha ubicación para o mercado provisional?.
10ª.-Tivemos coñecemento estos días da admisión a trámite do recurso contencioso-administrativo interposto pola Confederación Intersindical Galega (CIG) contra a resolución da alcaldía relativa á aprobación da Oferta Pública de Emprego; tendo en conta o descrito anteriormente, qué medidas ten pensado tomar o Goberno Municipal?, Contempla en algún caso a retirada da mesma?
11ª.-Qué xestións se fixeron dende o Grupo de Goberno ante as inundacións do novo CEIP “Couceiro Freijomil”?, contémplase algunha modificación da obra de remodelación da fachada marítima?.
12ª.-Cando ten pensado o Goberno Municipal trasladarse á Casa do Concello?
