Nova Perda de Servizos Públicos no Concello de Pontedeume

O Grupo Municipal Socialista de Pontedeume ten que denunciar o grave risco de supresión da Escola de Centroña.

Tras darllo a coñecer ao Concelleiro de Educación hai varios meses e denuncialo no Pleno de Maio esixindo a reunión do Consello Escolar Municipal, dada a máis que posible perda de prazas escolares en Pontedeume, constatamos que o Sr. Crespo non realizou, a día de hoxe, ningunha xestión eficaz, e a vontade da Consellería de Educación é a Supresión da Escola de Centroña.

Centro que o Goberno anterior proxectaba facela sede do Centro Rural Agrupado (CRA) con escolas de Vilarmaior, Cabanas e Pontedeume polo que está en perfecto estado de uso e dotación.

Este proxecto abandonado polo goberno do PP Eumés, apoiaría e fortalecería as escolas rurais como o fai en concellos veciños como As Pontes, Narón, Valdoviño, Bergondo…

A Consellería ante a baixada de matricula, opta pola solución drástica e barata, a supresión de prazas no ensino público, e o Concello non é quen de  defender os servizos dos veciños e veciñas de Centroña, ver de melloralos coa formación dun CRA ou a lo menos mirar só, dunha clausura temporal do CEIP de Centroña.