O tema principal deste Pleno foi a proposta de axudas para libros e material escolar por parte da Concellería de Educación, reducindo a xa insuficiente do ano pasado.
Axudas curso 2008-2009: 8000€, 201 solicitudes, o presuposto chegou a 121 persoas quedando o 40% sen axuda.
Axudas curso 2009-2010: 4500€, so se poderían atender 50 solicitudes, no suposto máis optimista. Se non se sobrepasara o número de solicitudes do ano pasado estariamos falando de que só poderiamos atender un 25% deixando fora un 75% das familias con escasos recursos económicos que queren facer fronte aos gastos de escolarización dos seus fillos.
O grupo municipal socialista, non pode, nin quere, apoiar co seu voto esta drástica reducción de axudas aos máis necesitados. Nunca deixa de sorprendernos a “solidaria” maneira que ten este goberno municipal de afrontar a crise. Nada solidaria cos necesitados e incoherente co despilfarro que vemos mes a mes en outras areas que leva o mesmo concelleiro que pretende reducir as axudas nas libretas e lapis dos nenos, mentres desoe as mocións que o instan a controlar e xustificar outros gastos non tan vitais (e con reparos do interventor) para o futuro dos nenos e nenas eumeses.
No referente aos outros cambios na ordenanza con respecto ao curso pasado, teñen o noso apoio (60€ antes material primaria e agora todo 90€ e a inclusión de ter que estar censada a familia así como a contemplación de ter membros a familia no paro)
Solicitamos que deixen o tema para o próximo pleno (O ano pasado foi no de xuño) e fagan unha oferta que a lo menos chegue ao 100% das solicitudes do ano anterior e poderán contar co noso apoio.
LOGO DE MOITA DISCUSIÓN E TER QUE ESCOITAR LINDEZAS IDEOLÓXICAS DA BOCA DO SR. CREPO, COMPROMETÉRONSE A PRESENTAR OUTRA ORDENANZA QUE CUBRA ALO MENOS UN Nº SE SOLICITUDES SEMELLANTE A O ANO PASADO, PRETENDÍAN QUE A OPOSICIÓN LLES DIXERA COMO FACELO…
En relación ás PREGUNTAS:
1ª.- Avaliáronse as V Xornadas de Xogos Populares Eumeses programadas pola Concellería de Deportes dentro das actividades das Letras Galegas?
Non as avaliaron, non sei si acostuman a reflexionar sobre os resultados acadados nas súas actividades, nos fixemos unha reflexión:
Dende os cambios que iniciaron o ano pasado, abandonando a ubicación dos Xardíns de Lombardero o 17 de Maio con monitores e tódalas familias que se achegaban axudando a facer a xornada máis festiva a unha mera cesión do material as escolas e A.VV. por quendas ao longo do mes de maio, sen achega de monitores, senón só coa boa vontade dos centros, as xornadas quedaron diluída na actividade cotiá e o Día das Letras Galegas quedou sen ningunha actividade para os nenos e nenas, Ademais de verse unha certa infravaloración dos nosos xogos por parte da Concellería de Deportes fronte á máis coidada organización dos Xogos Deportivos que organizou Servicios Sociais con gran despregue de medios…
2ª.- Pénsase reeditar o Campamento Urbano? Que tipo de xestión vai ter?
Non, outra reducción máis nos servizos que prestaba o Concello, e xa sabemos o gran nº de nenos e nenas que participaba concretamente en esta actividade.
3ª.- Hai algunha novidade no funcionamento da Escola Infantil “Chalé Rosa” cara o vindeiro curso?
Ningunha, non acordaron máis prazas co novo goberno autonómico, non saben nada dunha 2º gardería e o ano pasado renovaron no Pleno de marzo o contrato, e este ano rematando na mesma data que o curso pasado aínda non se trouxo a Pleno
4ª.- Que accións e xestións se están a facer para garantir a seguridade do CEIP “Couceiro Freijomil”?
Transmitíronse á Xunta mais tampouco chegaron a compromisos firmes, que terían que estar tomados pois é inminente a entrega do edificio, e as eivas xa detectadas en seguridade solucionalas antes da entrega da obra. Debido ao gran desnivel con muros baixos e o peche lateral sen realizar pode ser un continuo risco para os nosos xoves fora do horario escolar e para o alumnado do centro.
5ª.- Cantas persoas á data de hoxe están recoñecidas como dependentes? Cando van ser atendidas? Algunha delas estaba atendida polo Servicio de Axuda a Domicilio municipal? Que vai suceder coas traballadoras municipais que atendían a estas persoas cando pasen ao SAD de dependentes?
Non puideron respostar ,pois nos estaba a Concelleira responsable (hoxe xa sabemos por que), e o forte deste goberno non é o traballo en equipo, polo que xa veredes…
6ª.- Estase levando a cabo polo goberno municipal algunha xestión coa actual dirección de Portos de Galicia, para modificar o proxecto que xa se está a executar no Porto de Pontedeume?
Non
7ª.- Que problemas presenta o edificio que se está rematando de construír no tramo inicial da Rúa Fontenova?
Non saben ou non queren informar e logo de negarnos hai dous veranos que houbera problemas agora parece que entón as nosas dúbidas sobre o volume do edificio eran fundadas, pero eles…Non saben, non contestan…
Falt, como sempre, a referencia á interpelación seguinte:
pregamos que dende o goberno municipal se informe de forma regular ós grupos municipais e ós eumeses en xeral, sobre o estado da tramitación do PXOM, dadas as expectativas creadas e o longo tempo transcorrido.
Non houbo resposta?
Esquecíchedes de interpelar?
Iso levámolo en rogos, e tamén o levou outro grupo como pregunta.E dixeron o que sempre din, que pensa que está nos últimos trámites, que próximamente, que antes do verán…