O tren nocturno Ferrol-Madrid seguirá con parada en Pontedeume

O PSdeG-PSOE eumés trasladou a súa preocupación pola supresión da parada en Pontedeume ao Delegado da Consellería de Política Terriorial, Alberto Gonzalez, en presencia da Conselleira Maria José Caride, na súa visita a Pontedeume a pasada semana para inaugurar os novos departamentos para usuario no porto de Pontedeume.

Así, o tren nocturno Ferrol-Madrid continuará deténdose nas súas paradas habituais en Galicia logo da reclamación presentada a semana pasada pola conselleira de Política Territorial, María José Caride, ao presidente de Renfe, José Salgueiro. Deste xeito, Renfe modifica os seus plans anunciados a principios deste mes e segundo os cales ía eliminar seis paradas de dito servizo.

Así pois, o novo tren-hotel Ferrol-Madrid continuará deténdose nas estacións nas que o facía o anterior tren nocturno, entre elas as seis que se prevían suprimir (Pontedeume, Betanzos-Cidade, Curtis, Guitiriz, San Clodio-Quiroga e A Rúa-Petín) e que continuarán prestando este servizo aos usuarios.