O prazo para a solicitude de axudas dirixidas aos traballadores autónomos remata o 15 de setembro

O prazo de presentación de solicitudes ao abeiro do programa para a promoción do emprego autónomo finaliza o vindeiro luns 15 de setembro. A convocatoria de 2008, publicada no DOG o 28 de xaneiro deste ano, establece por primeira vez axudas para a asistencia técnica e formación no caso dos traballadores autónomos.

O obxectivo é cubrir as carencias xerenciais dos traballadores autónomos e contribuír á supervivencia da iniciativa empresarial. A posta en marcha desta liña de axudas responde á necesidade de dar resposta ás carencias formativas do traballador autónomo durante a posta en marcha da súa empresa.