Despreocupación polos máis pequenos e as súas familias.

Desde o grupo municipal do PSdeG-PSOE queremos denunciar o ocultismo do Goberno Municipal coas familias que teñen seus fillos e fillas na Escola Infantil Municipal. Esta, proximamente terá que pechar as súas portas para realizar reformas necesarias por requirimento da Inspección da Xunta de Galicia. Os pais e nais seguen sen saber cando se realizarán estas obras para reorganizar a súa vida familiar ao verse privados deste fundamental servicio educativo.

No último Pleno, o 31 de Xullo interesámonos por este tema, pedindo que o Concello paliara esta perda temporal . A Concelleira responsable,a Sra García, dixo ao Pleno que os pais xa estaban informados, que ningunha familia se queixara ou demandara axuda para eses días e anunciou que pecharía do 25 de Agosto a mediados de Setembro, ata despois das festas.

Pois ben, a día de hoxe, aínda os pais e nais non foron informados, o que lles impide organizar a súa vida nunhas datas en que nas empresas se non se solicita coa debida antelación é practicamente imposible cambiar as vacacións. Esta actitude é unha mostra da falta de respecto ao Pleno e as familias afectadas.

Hai máis exemplos do escaso compromiso do Grupo de Goberno cos menores. Vimos recibindo as queixas dos pais e nais que levan os pequenos ao parque do Paseo Marítimo pois desde hai dous meses seus fillos teñen que xogar no cemento que botou o Concello para a colocación dun solo de caucho. Esta situación xa foi denunciada polo noso grupo xa que non é lóxico que se retire a area e se cemente se a protección de caucho non vai a ser colocada inmediatamente, tendo en conta o perigo que esto supón para os menores.

Esta é unha máis das “pequenas” e “urxentes” contratas do Sr Crespo á empresa privada.

Faise eco desta nova “La Opinión de A Coruña”

Tamén “La Voz de Galicia”