Orzamentos 2010

«Non digan mentiras. Non aprobamos as contas porque non contaron con nós para nada. Fixeron o que lles deu a gana. E non sexan demagóxicos, cóntenlle a verdade a xente. Se os presupostos non se aproban, o campo de fútbol se pode facer igual»

« (Os Orzamentos) é que non chegan nin en tempo, nin en forma». «Traen as contas ao pleno con un absoluto desprecio cara o noso grupo. Non contaron con nós para nada e teñen que darse conta de que están en minoría»,

«Convocou dúas reunións para elaborar os presupostos nas que o único que lle interesaba era o que íamos a votar. Vostede practica a política de feitos consumados e xa está ben. Sempre nos chaman cando hai unha emerxencia».

Podes ver a nova en:

Diario de Ferrol

La Opinión de A Coruña

La Voz de Galicia

Sobre as obras aprobadas no “PLAN E”

Vimos de aprobar no Pleno desta mañá as actuacións que se levarán a cabo con cargo a o Fondo Estatal para o Emprego e  Sostenibilidade Local, proceso que poderíamos calificar de “tortuoso” dado o sucedido nos últimos días.

Como é sabido o venres 23 de outubro de 2009 aprobábase o Real Decreto que autoriza a concesión de axudas do FEIL 2010 para impulsar o aforro e a eficiencia enerxética, tendo os Concellos un prazo de tres meses para enviar as memorias ou proxectos que pretendían executar con cargo a este fondo.

Pasados 20 días desde esta aprobación, o 13 de novembro de 2009, e dado o ocurrido con o anterior “Plan E” no que o Alcalde Gabriel Torrente e os seus concelleiros decidiran en exclusiva as actuacións a levar a cabo, olvidando así a súa situación de minoría e discriminando, tal e como denunciou o noso Grupo no seu momento, a tres parroquias da nosa vila, Centroña, Boebre e Vilar-Campolongo, que non recibiron nin un céntimo de aquel Fondo; os voceiros dos Grupos da oposición, a instancias do PsdeG-PSOE, firmaron un documento no que solicitaban ao Goberno Municipal que con a maior brevidade se convocase aos representantes dos distintos grupos da Corporación có fin de acadar un acordo en relación cos proxectos a executar.

Desgraciadamente unha vez máis os membros do Goberno Municipal demostraron con unha actitude antidemocrática o seu desprezo polos Partidos da Oposición que paradóxicamente representamos en conxunto  tres veces máis eumeses/as que o Grupo de Goberno; facendo oídos xordos a esta petición, polo que só fomos convocados a unha reunión na que presentamos as nosas propostas, non volvendo a ter noticias do tema ata o pasado xoves 28 de febreiro de 2010 no que, como ocurrira con o anterior Plan se nos mostran as actuacións que e o Alcalde Gabriel Torrente e os seus Concelleiros decidiran en exclusiva incluir con cargo a este Fondo, destacando unha vez máis a ausencia de diálogo e consenso có resto de Grupos,  a falla de equidade e xustiza no reparto das obras, das que as tres parroquias anteriormnete discrimidas só reciben un 1, un 1.2 e un 0.7% respectivamente fronte ao 56% do Casco, o 15.5% que foi a parar a Ombre, ao 13% de Nogueirosa ou ao 12% de Andrade e finalmente a intención de investir ao redor de 450.000 euros na construcción dun Salón de Actos con capacidade para 110 persoas na segunda e treceira naves das Lonxas de Raxoi. Como xa dixemos este días unha actuación innecesaria ao noso parecer por contar xa no noso Concello con infraestructuras similares.

Dado o exposto anteriormente solicitamos no Pleno do luns a retirada deste punto do Orde do Día, petición á que accedeu o Sr. Alcalde despóis das críticas vertidas por todos os Grupos da Oposición, convocándonos para o día seguinte a unha comisión informativa para decidir as actuacións que sustituirían á anteriormente mencionada, e como xa ocurrira noutra ocasión a poucos días do remate do prazo de presentación de proxectos, non dispoñendo de tempo para elaborar novas memorias. De ahí que só puidésemos incluir dúas xa redactadas, o arranxo da Corredoira das Virtudes e da Rúa San Agustín, deixando os 27.000 euros sobrantes para gastos correntes nos que incluimos unha vella demanda do noso Grupo, a informatización do Arquivo Histórico.

Por todo o descrito o anteriormente o noso Grupo optou no Pleno de hoxe pola responsabilidade política da que carece o Goberno Municipal, optou por absterse para permitir a aprobación destas actuacións e evitar a perda dos Fondos, todo elo sen deixar de denunciar a falla de diálogo, de consenso e a manipulación da verdade do Alcalde Gabriel Torrente e os seus Concelleiros.

- Pincha ma imaxe para acceder á web do ministerio -

Pleno Extraordinario para o FEIL este mércores.

O punto principal da orde do día do Pleno de xaneiro, celebrado onte, 1 de febreiro, sobre os acordos sobre o Fondo Estatal para o Emprego e a Sostibilidade Local (FEIL 2010) quedou sobre a mesa a petición do grupo municipal socialista, secundada polo BNG, Independentes por Pontedeume e o concelleiro non adscrito Fernando Sande (Ex nº 1 do COE).

Dende o noso grupo, o noso portavoz, Agustín Vilariño, logo de valorar a gran importancia que teñen estes fondos estatais para o noso concello, resaltou a falta de diálogo cos outros grupos municipais e a propaganda chea de mentiras que caracterizou a xestión deste plan por parte do goberno do P.P., como presentar os proxectos ao pleno tres días antes de rematar o prazo para forzar  acordos, e como voltan a facer un reparto desigual entre as diferentes parroquias: Aínda computando xuntos os dous plans estatais hai zonas que quedan claramente discriminadas, así o Casco Urbano leva un 56% da inversión total, Ombre un 15,5%, Andrade un 12,5%, Boebre un 1,2%,Vilar o 0,7% e Centroña o 1%.

A actuación principal do plan, oculta polo goberno ata o pasado xoves, conleva un gasto de 75 millóns das antigas pesetas nunha sala de conferencias en dúas das lonxas dos Almacéns de Raxoi. Sala de conferencias que con 110 prazas non solucionaría a falta dun auditorio que precisa Pontedeume e non ofertaría nada novo, salas desta cabida xa existen, a Casa da Cultura, recén remodelada, o Centro de Maiores, o Salón de Actos do I.E.S. “Breamo”… mentres outras necesidades que sí ten a nosa vila poderían cubrirse cos 445.524,10€ que representan o 50% do FEIL deste ano.

Instamos ao Sr Alcalde e ao seu goberno minoritario a que presenten outros proxectos alternativos xa que, ademais ao non cumprir o requisito da propiedade efectiva destes Almacéns, corremos o risco de que  Pontedeume perda a metade dos 925.507€ que lle corresponderían ao noso concello.

Vendo que os demais grupos apoiaban a nosa postura e só o COE estaba disposto a referendar có seu voto esta inversión, o Sr Alcalde veuse forzado a pospoñer este punto para o Pleno extraordinario do próximo mércores, tendo unha xunta de portavoces hoxe, onde esperemos que aporte proxectos alternativos a este gasto tan arriscado como innecesario.

Rogos e Preguntas que presentamos ao Pleno Ordinario de Xaneiro

PREGUNTAS:

1ª,- Desde que en Setembro de 2008 optaron pola externalización da xestión do servizo a domicilio para as persoas dependentes, e tras o inicial “concurso menor”, levamos máis dun ano coa axuda a dependentes levada dun xeito irregular. Cal é a razón? Cando van regularizar esta situación?.

2ª.- O Entroido comeza tradicionalmente co desfile das comparsas dos colexios polas rúas da Vila. Que tipo de organización teñen prevista para que poida participar este ano o alumnado que ten as escolas fora do casco urbano?.

3ª.- Poden informar polo miudo das axudas para libros e material escolar?.

4ª.- Ante as queixas sobre o funcionamento da Piscina Municipal por parte dos usuarios e por parte dos empregados, pensan tomar algunha medida dende o goberno municipal?.

5ª.- En que punto se atopan as xestións para a remodelación do Mercado Municipal?.

6ª.- Hai xa tempo que sustituíron as papeleiras do Paseo Marítimo por outras novas. Cal foi o custe de dita actuación? Que se fixo coas papeleiras retiradas?.

7ª.- A pasada semana intalabanse por parte do Concello os soportes para a colocación dunhas barandas en varias zonas do casco urbano. Cal foi o custe de dita instalación?.

8ª.- Cal foi o motivo de que, dende o xoves día 14 ata ó luns 25 de xaneiro, algunhas zonas da parroquia de Centroña estivesen sen recollida de lixo?.

9ª.- Para que nova data está previsto o traslado das oficinas municipais para a Casa do Concello? Pensan arranxar o reloxo?.

ROGOS:

1º.- Pregamos a limpeza e desbroce do xardín colindante coa Casa da Xuventude.

2º.- Pregamos o arranxo das pedras rotas e soltas na Praza da Calzada e na Rúa Santiago, así como a colocación dun grifo na fonte das Virtudes, xa que o que hai está roto.

3º.- Pregamos o arranxo de varios puntos de luz en “Ventosa” e da farola da parte traseira do Adro das Virtudes. Tamén pregamos a correcta colocación dun cable eléctrico que se descolga dende o muro dese Adro, quedando á altura dos viandantes.

4º.- Pregamos unha vez máis a sustitución das lousas rotas á entrada do Paseo Marítimo.

5º.- Pregamos prontitude no pago das subvencións concedidas polo Concello, especialmente no caso das asociacións culturais que enriquecen coa súa actividade a escasa oferta cultural programada dende a súa Concellería.

6º.- Pregamos que rectifiquen a súa actitude discriminatoria e faciliten actos culturais como a Pestival “Treme a Terra” que dende hai 14 anos achegan ós xoves de Pontedeume a grupos musicais emergentes, independentes e innovadores.

7º.- Ante as queixas manifestadas principalmente por estudantes que acoden en tren a Ferrol, pola escuridade reinante na Estación, pregamos a colocación e reforzo dos puntos de luz no tramo final desta zona.

8º.- Coa construcción dun edificio no tramo final da Rúa Valeriano Villanueva pola empresa Lagares Álvarez, elevouse o tramo inicial do camiño que discorre entre esta vía e a estrada da estación, polo que se aprecia un importante desnivel respecto o patio do edificio colindante, co conseguinte perigo para os viandantes, e quedando á altura das ventás do primeiro piso do devandito edificio que obligou a algún propietario a colocar reixas pola inseguridade que conlevaba. Pregamos ó Concello que requira os responsables da empresa lagares Älvarez para que coloquen dunha vez o peche metálico a que se comprometeron nese tramo do camiño, que segundo noticias recibidas está feito dende hai tempo nunha carpintería metálica do noso concello e aínda non foi retirado.

9º.- Ante as inquedantes noticias relativas á presentación de sendos ERE nas empresas POLIGAL e MEGASA, que afectan a un importante número de traballadores, moitos deles de Pontedeume, e se así o consideran os representantes dos grupos políticos aquí presentes, pregamos se remita ós seus comités de empresa un escrito en nome de toda a Corporación Municipal solidarizándose coas plantillas afectadas e abogando por unha solución ós conflictos plantexados que non supoña perda de dereitos para os seus traballadores.

Nova galería peatonal na AP-9, no tunel de Campolongo

Segundo informa o BOE de onte, a “Resolución do 23 de decembro de 2009, da Secretaría de Estado de Cambio Climático, pola que se adopta a decisión de non someter a avaliación de impacto ambiental o proxecto Adecuación ao Real Decreto 635/2006 das infraestruturas e instalacións dos túneles da Autoestrada do Atlántico AP-9, nos termos municipais de Cabanas, Paderne e Pontedeume (A Coruña) e Vigo (Pontevedra).”, da luz verde á construcción por parte de Audasa unha galería peonil de intercomunicación de 19 metros de longo. Estas obras son obrigatorias tras o decreto sobre requisitos mínimos de seguridade nos túneles de estradas do Estado.

No BOE, podese observar como con data 18 de maio 2009 ten entrada nese Organismo a documentación ambiental. A Dirección Xeral de Calidade e Avaliación Ambiental con data 8 de setembro de 2009 estableceu un período de consultas a institucións e administracións cuxa relación se detalla no cadro seguinte:

(Clik na imaxe para ampliar)

Na taboa podemos ver como o Concello de Pontedeume non remitiu a este organismo do Estado ningunha consulta nin obsevación sobre esta obra.

Sí o fixo, en cambio, a Dirección Xeral de Patrimonio Cultural da Consellaría de Cultura e Turismo da Xunta de Galicia que informa que non parece previsible que se poidan xerar impactos sobre o patrimonio cultural, non obstante se terá en conta o establecido no artigo 32 da Lei 8/1995 do patrimonio cultural de Galicia e haberá que remitir o proxecto para o seu informe, ou a A Dirección Xeral de Conservación da Natureza da Consellaría de Medio Rural da Xunta de Galicia que informa que non se afecta directamente a espazos nin valores protexidos, considera que as actuacións previstas non ocasionan ningunha repercusión ambiental significativa sempre e cando se desenvolvan e apliquen o conxunto de medidas consignadas na documentación avaliada, ás que deberán engadirse medidas de seguridade para evitar derramos accidentais, xestión de residuos, etc. O proxecto construtivo deberá definir, desenvolver e cuantificar un programa de medidas de integración ambiental.

Para descargar a resolución no BOE, clicka sobre sobre a palabra BOE da primeira liña.

Chega o “Apagón Analóxico” á nosa Vila

Que é a TDT?
A Televisión Dixital Terrestre (TDT) é o resultado da aplicación da tecnoloxía dixital ao sinal de televisión, para logo transmitila por medio de ondas hercianas terrestres, é dicir, aquelas que se transmiten pola atmosfera sen necesidade de cable ou satélite e se recibe por medio de antenas UHF convencionais.

O estándar utilizado en España para a transmisión de TDT, ao igual que en máis de 110 países ao longo do mundo, entre os que se encontran todos os da Unión Europea, é o DVB-t (Dixital Video Broadcasting – Terrestrial).

DVB-T utiliza a modulación COFDM a cal ofrece un sinal robusto así como tamén proporciona protección contra os ecos producidos polos múltiples camiños que toma o sinal na súa propagación, permitindo reutilizar as mesmas frecuencias en antenas veciñas.

A TDT está chamada a substituír, debido ás súas múltiples vantaxes, a Televisión Analóxica Terrestre, que é a que se estivo a recibir ata agora na maioría dos fogares españois. Isto producirase tras a data de cesamento das emisións en tecnoloxía analóxica, fixada en España o 3 de abril de 2010.

Vantaxes da Televisión Dixital
Estas son algunhas das vantaxes da Televisión Dixital fronte á Analógica:

* Máis canles.
* Mellor calidade de imaxe e son.
* Máis servizos.

Que se necesita para poder recibir a TDT?Para recibir a TDT na casa hai que seguir estes tres sinxelos pasos:

1. Comprobar se xa ten cobertura na súa zona.

A cobertura da TDT vaise ir incrementando progresivamente ata alcanzar, antes do cesamento das emisións analóxicas do 3 de abril de 2010, os obxectivos fixados no Plan Técnico Nacional da Televisión Dixital Terrestre, aprobado por Real Decreto 944/2005 do 29 de xullo, e que se corresponden co 96% da poboación española para as cadeas privadas e o 98% para as públicas.

2. Adaptar a antena xa sexa individual ou colectiva.
Para recibir o sinal da TDT pode seguir utilizando a antena UHF convencional, individual ou colectiva, que viña utilizando para recibir a televisión analóxica terrestre. Non obstante, é necesario realizar unha serie de adaptacións na súa instalación, que deben ser realizadas por un instalador de telecomunicacións autorizado. As modificacións a realizar dependerán do estado desta. Polo xeral estas consistirán na instalación duns módulos amplificadores de sinal para as frecuencias da TDT.

3. Dispoñer dun equipo receptor de TDT.
Este sintonizador permitiralle recibir o sinal dixital no seu fogar, xa sexa a través dun dispositivo externo conectado directamente ao seu televisor, ou ben a través dun televisor que dispoña dun receptor integrado.

O PSdeG-PSOE acusa ao Alcalde, Gabriel Torrente, de faltar á verdade e de eludir a súa responsabilidade

Hoxe puidemos ler na prensa unhas declaracións do Sr. Alcalde acompañado do Concelleiro de Facenda, nas que lamentaban o feito de  non dispor de terreos para habilitar un “parking” definitivo, tal e como demandan os comerciantes eumeses. Nelas responsabilizaba ao anterior executivo da falla de terreos de titularidade municipal.

Ante estes feitos gustaríanos recordar que o Sr. Torrente leva case tres anos ao fronte do Goberno Municipal, durante os cales o seu equipo, encabezado polo Concelleiro de Facenda Eugenio Otero, elaborou dous presupostos municipais, o de 2008 e o de 2009, sin que en ningún deles se incluísen as partidas necesarias para a adquisición dos terreos que hoxe reclama. Sobre esta cuestión advertiu o noso Grupo nos Plenos no que se debateron as contas para os dous últimos anos, facendo o Alcalde oídos xordos da realidade que hoxe admite na prensa.

Froito desta decisión do Grupo de Goberno, non se puideron adquirir terreos para o aparcadoiro, perdendo ademáis equipamentos sociais como o Centro de Día, para o que xa existían os terreos e o  proxecto,  ou para a Escola Infantil, o que conlevou a perda de subvencións (dúas anualidades por importe de 800.000 € para o Centro de Dia,…), todos eles investimentos comprometidos pola Xunta co anterior goberno municipal.

Ante todo o descrito anteriormente non hai dúbida da responsabilidade do PP no que a este asunto se refire, como tampouco existe dúbida algunha de que, unha vez máis, o Sr. Torrente e os seus Concelleiros falsean a realidade para culpar a gobernos anteriores das súas reiteradas carencias.

Continuará o Sr. Alcalde responsabilizando ós grupos da oposición e ó anterior goberno da incompetencia e ineficacia da xestión do seu equipo? Vista a deriva surrealista que está a tomar este Goberno, non nos estranaría.

Trilingües….. The amablingua

Xa viña sendo time de que el new president descubrise the magic solution to the cosa de la lengua no Galician Country.

The solution é o chamado “castrapo enriquecido”, al que también chaman “eurocastrapo”, “triglosia feijooooana”, amablingua , “galcasinglish” ou, na Galicia Sur, simplemente “feixoada”.

Basically consiste en ser amables. You are moi amable, in such a way que no ofendas a nobody arround. Because the cosa es no imponer, e se ti escolles ne language -only one, ollo!- ti andas imponiéndote que nin a milk! So, first asunto: amabilidade, gentleness e, especially, never, never, never, mesmo nunca, fales only in the regional idioma.

The second cosa vén sendo a closing down das galescolas, que finally serán substituídas by “trilingüelas” (not “bi”, but “tri”), to properly enseñar the new lengua.

This is, efectivamente, the solution to the cuadratura of the circle: combinar a “soberanía lingüística” dos pais, with the deber of promoting e facer normal o galego, sin ofender a la lengua de Rosa Díaz,  and also co obxectivo de trilingüizar aos nenos and little girls.

So, a nai escolle, e choose o que choose, sempre ficará happy, ya que a súa escolla is included in the eurocastrapo. In fact, this feixoada is the “tres in one”,  very inclusive and amabilismo.

At the same time , the Xunta resolverá o “problem” educativo, sen que such a thing lle supoña un quebranto presupuestario. Efectivamente, as a matter of fact, o novo language non ten a very precise normas, and predomina a única and conocida only norma do “tanto ten, ti vai disimulando”, que se complementa coa de “never rained que non escampara”. Así, the teachers training is going to ser very barrato, barrato, cal carpet of magrebí.

And, by the way, if non caíches na conta, este artículo is the first one written in the new idioma. Buena luck and remember o que di the song: non te warrees, be happy, tra,la,la,la,la,la,la,la……..

O Grupo Municipal Socialista no Concello de Pontedeume denuncia a deficiente xestión da Concellería de Obras e Servizos.

Unha vez máis, como ven sendo habitual dende hai xa moitos meses , o Grupo Municipal do PSdeG-PSOE volve a denunciar o mal funcionamento da Concellería de Obras e Servizos dirixida por Javier Crespo.

Se a pasada semana denunciabamos a falla de limpeza no CEIP “Couceiro Freijomil” e o desinterés  con respecto aos desperfectos causados pola  instalación do alcantarillado en Ombre, agora tócalle o turno  a outras zonas da nosa vila, como por exemplo Centroña,  onde hai lugares que levan dende o xoves  14, é dicir 7 días, sen recollida de lixo; ofrecendo unha pésima imaxe con os contedores  ateigados e con bolsas de desperdicios amoreadas ao seu arredor, situación que contrasta con os carteis informativos pegados polo Concello nos colectores nos que se pode ler:

“Recollida de lixo, polas mañás de Luns a Domingo”…”en caso de incumprimento sancionarase ao infractor”.

Paradóxicamente, neste caso o único infractor é o propio Concello, que incumpre a súa obriga con os cidadáns que están pagando  por un servizo que non se lles está a prestar.

Por desgracia esta situación non é puntual nin específica de estas zonas do noso concello, que sofren continuamente a “desidia” froito da pésima xestión do Concelleiro de Obras e Servizos, Javier Crespo, se non que afecta a todo o termo municipal. Hai mes e medio que rompeu un dos cristais da entrada principal da Piscina Municipal, o que fai que os usuarios da mesma non poidan acceder ás instalacións pola Rúa Río Eume; a día de hoxe segue sen arranxarse. Tampouco se procedeu a retirar a carpa instalada na Praza Real nin o alumeado do Nadal.

Todos eles son exemplos do “desgoberno” do PP eumés.

Sobre los Presupuestos´2010

El grupo de gobierno (PP) del Concello de Pontedeume, acaba de publicitar a la prensa  que el debate, y  posible aprobación de los Presupuestos para el año 2010 se incluirán dentro del orden del día del pleno ordinario del mes de enero.

Ante este hecho el Grupo Municipal Socialista quiere dejar constancia de lo que sigue:

1º.- El gobierno popular no ha elaborado el Presupuesto, ni siquiera ha presentado un borrador del mismo  a los grupos municipales en la Comisión de Hacienda, dentro del último trimestre del 2009, como sería preceptivo. Por consiguiente al no aprobarse dentro de dicho período y en el Pleno de la Corporación el presupuesto para el año 2010, están gobernando con el presupuesto prorrogado del pasado año.

2º.- Queremos denunciar el oscurantismo y la arbitrariedad con la que se está llevando todo este proceso desde el gobierno, toda vez que a diez días del pleno, desconocemos el contenido de dicho documento, las previsiones de ingresos y gastos, la posible oferta de empleo público, el capítulo de inversiones, y otros muchos extremos, así como tampoco tenemos información previa del grado de ejecución del presupuesto del año 2009.

3º,- Nos sorprende asimismo, la alegría con la que un gobierno municipal, en clara minoría, hace publica algunas posibles inversiones, como si el presupuesto ya estuviese aprobado, creando con ello falsas expectativas y tratando de trasladar la responsabilidad hacia los restantes grupos municipales, a los que de forma intencionada se nos está negando la información y participación exigible para tratar de negociar y si es el caso, alcanzar un acuerdo que pudiese posibilitar la aprobación del documento presupuestario.

4º.- Por último queremos constatar que a día de hoy, siguen sin corregirse las irregularidades, o mas bien ilegalidades, cometidas en la ejecución del gasto público, al contratar sin concurso o subasta pública, la realización de obras o el mantenimiento del alumbrado público, hechos reiteradamente advertidos por la Intervención municipal, y denunciados públicamente por el grupo municipal socialista.